Kaverno
.jpg)
Kavernoj aŭ grotoj estas subteraj kavoj, kiuj ligiĝas al la tera surfaco per kelkaj truoj (groto estas artefarita aŭ kurioza kaverno). Ili formiĝas per subfoso de kalkoŝtonoj, dolomitoj, gipsoj kaj kelkaj facile solvieblaj mintavoloj. Oni trovas ankaŭ glaciajn kavernojn. Estas multaj manieroj per kiuj kavernoj povas estiĝi, kaj estas kombinaĵoj de kemiaj procezoj, tektonaj fortoj kaj atmosferaj influoj. La plej ofta procezo estas karstigo, t.e. solvo de kalkecaj ŝtonoj fare de pluvakvo. Ilin ofte loĝas animaloj karakterizataj de blindeco, senpigmentiĝo, gigantismo. Post paleolito, multaj kavernoj estis uzataj de homo (loĝejo, kavernurboj, kaverna pentrado). Kavernoj estas objektoj de esploro por speleologio kaj arkeologio.
| Groto | Lando | Longo, km |
|---|---|---|
| Flint-Mamont | Usono | 288 |
| Optimista | Ukrainio | 144 |
| Heloĥ | Svislando | 130 |
| Ozernaja | Ukrainio | 104 |
| Ĝevel | Usono | 88 |
| Grinbreier | Usono | 71 |
| Zoluŝka | Ukrainio | 60 |
Vidu ankaŭ
- kaverno-pentraĵoj
- Subterejo en Ĉeĥio
- Aragonitaj kavernoj en Zbraŝov
- Grotoj de Sloup-Ŝoŝuvka
- Kavernoj en Javoříčko
- Kavernoj en Mladeč
- Kaverno Ŝipka
- Slovakaj grotoj
- Minado
- Stalaktita kaverno
- Speleologio
Proverbo
Ekzistas proverbo pri kaverno en la Proverbaro Esperanta de L. L. Zamenhof[1]:
„ Al kavo senfunda ŝtopado ne helpas. ”
