Lotte kaj Stefan Zweig : vojaĝoj al Ameriko

La aŭstre naskita verkisto Stefan Zweig (1881-1942) kaj lia dua edzino Lotte Zweig (1908-1942) en ekzilo vojaĝis al Anglio, Usono, Argentino kaj Brazilo de 1934 ĝis 1942.

Stefan Zweig ekforlasis sian hejmon en Salcburgo en 1934 post kiam polico traserĉis lian hejmon, pretekstante trovi armilojn. Li ekloĝis en Anglio, unue en Londono, dungis kiel sekretariino Charlotte Elisabeth Altmann kiu mem estis devigata forlasi Germanion, kaj ekziliĝis al Anglio ankaŭ en 1934.

Lotte kaj Stefan ekvivis kiaj geamantoj kaj geedziĝis post kiam Stefan eksedziĝis de sia unua edzino Friderike la 6-an de septembro 1939. Ekde 1937 Lotte kunvojaĝis kun Stefan en vojaĝoj kun ĉu turisma ĉu labora celo: dum tiuj vojaĝoj Stefan prelegadis, respondis intervjuojn kaj havis multajn kontaktojn kun tradukistoj, eldonistoj kaj respondeculoj ĉe kiuj li povis peti helpon por ke Judoj eskapu el landoj regataj de la nazioj.

Fakte en 1934 temis pri ekzilo el Aŭstrio, unue al Anglio ĝis 1940, kaj post pluraj vojaĝoj al Nord- kaj Sud-Ameriko pri definitiva ekzilo en Usono, Brazilo kaj Argentino. La geedza paro serĉis en tiuj lastaj jaroj lokon kie ili povos trankvile vivi kaj labori. Ili unue ekvivis en Novjorko en 1940, vojaĝis al Brazilo, Argentino kaj Urugvajo kie Stefan Zweig ofte prelegis kaj tiel enspezis altajn monsumojn kiuj ebligis al li senzorge vivi, tiel kompensante la mankon de la aŭtorrajtoj per kiuj li komforte vivadis antaŭe, kaj kiujn li ne plu ricevis de kiam nazioj malpermesis eldonadon kaj vendadon de la libroj verkitaj de li. En 1941 ili revenis al Nov-Jorko, loĝis du monatojn en New Haven, de kie Stefan povis aliri la bibliotekon de la Universitato Yale. En la somero 1941 Stefan kaj Lotte loĝis en Ossining (en) kie Stefan verkis sian aŭtobiografion "Drei Leben" kiu estos eldonita postmorte kun la titolo "La Mondo de hieraŭ". La 15-an de aŭgusto 1941 ili alvojaĝis al Brazilo kie ili sentis sin pli bone ol en Usono, kaj la 13-an de septembro 1941 ekloĝis en Petrópolis 34 rua Gonçalves Dias. Kvankam ambaŭ laŭdis Brazilon sciigante ke ĝi estas tre agrabla lando, Stefan falis en profundan depresion. Plie Lotte suferadis pro astmo kaj ankaŭ deprimiĝis. En sia domo en Petrópolis ili ambaŭ sinmortigis kaj estis retrovitaj mortintaj unu kontraŭ la alia kuŝantaj sur sia lito la 23-an de februaro 1942. Tiel fine Stefan Zweig fuĝis de Aŭstrio al Anglio kaj de Usono al Brazilo, kaj fine al la morto, laŭ la vortoj sur la stumblopavimoj en Salcburgo.

Vojaĝoj de Lotte kaj Stefan Zweig en la jaroj 1934-1942 al Nord- kaj Sud-Ameriko
alveno	foriro	urbo	lando	evento
18-an de februaro 1934		Salcburgo	Aŭstrio	Polico traserĉas la domon de Stefan Zweig
20-an de februaro 1934		Londono	Anglio	Stefan Zweig ekziliĝas al Anglio
14-an de majo 1934		Londono	Anglio	Lotte Altmann ekziliĝas al Anglio
1934		Vieno	Aŭstrio	vizito de Stefan al sia patrino, ekvendo de la domo en Salcburgo
1934		Londono	Anglio	SZ ekloĝas en 49 Hallam Street
januaro 1935		Nov-Jorko	Usono	turismo, intervjuoj
komence de 1935			Anglio	reveno en Anglion
21-an de aŭgusto 1936		Rio-de-Ĵanejro	Brazilo	akcepto far Macedo Soares (pt)
27-an de aŭgusto 1936		Rio-de-Ĵanejro		La Spirita Unueco de la Mondo france
fine de aŭgusto 1936		Petrópolis		Unua vizito al Petrópolis
komence de septembro 1936		Bonaero	Argentino	ŝipa vojaĝo el Santos al Bonaero per Highland Brigade kongreso de PEN-klubo
		Londono
februaro 1937		Milano, Napolo	Italio	Stefan kaj Lotte unuafoje publike aperas kune
1937		Salcburgo	Aŭstrio	fina vendo de la domo
januaro 1938		Estoril (pt)	Portugalio	ferioj kaj kontaktoj cele al elsavo de judoj el naziaj ŝtatoj
17-an de decembro 1938	3-an de marto 1939	Nov-Jorko	Usono , Kanado	ŝipvojaĝo per Normandie, prelegoj en 30 urboj
somero 1939		Bath	Anglio	feriado
6-an de septembro 1939		Bath	Anglio	eksedziĝo de Friderike kaj Stefan Zweig geedziĝo de Lotte kaj Stefan
marto 1940				Stefan Zweig ricevas la britan naciecon kaj britan pasporton. Lia edzino samtempe ricevas la samon
30-an de junio 1940	14-an de aŭgusto 1940	Nov-Jorko	Usono
21-an de aŭgusto 1940		Rio-de-Ĵanejro	Brazilo	ŝipvojaĝo de Nov-Jorko al Rio per Argentina
20-an de septembro 1940		San-Paŭlo	Brazilo	La Spirita Unueco de la Mondo france
29-an de oktobro 1940	31-an de oktobro 1940	Bonaero	Argentino	La Spirita Unueco de la Mondo hispane, angle, france
		Kordobo
		Santa Fe
		Rosario
		La Plata
	8-an de novembro 1940	Montevideo	Urugvajo
20-an de januaro 1941		de Trinidad al Miami		reiro de Rio al Nov-Jorko
24-an de januaro 1941	aŭgusto 1941	Nov-Jorko	Usono
februaro 1941	aprilo 1941	New Haven		ĉe Universitato Yale
julio 1941	5-an de aŭgusto 1941	Ossining (en)		SZ verkas sian aŭtobiografion "Drei Leben" kiu estos eldonita postmorte kun la titolo "La Mondo de hieraŭ"
15-an de aŭgusto 1941				reveno al Brazilo. ŝipvojaĝo sur Uruguay
13-an de septembro 1941		Petrópolis	Brazilo	Lotte kaj Stefan ekloĝas 34 rua Gonçalves Dias SZ verkas la Ŝaknovelon
	23-an de februaro 1942	Petrópolis	Brazilo	sinmortigo de Stefan kaj de Lotte

Fonto[redakti | redakti fonton]

Zweig Stefan et Lotte, Lettres d'Amérique 1940-1942, france (mallonge LA), 2012, Grasset, Les Cahiers Rouges, eldono starigita kaj enkondukita de Darien J. Davis et Olivier Marshall, tradukita al la franca de Adrienne Boutang kaj Baptiste Touverey, ISBN 978-2-246-82119-9 laŭ Stefan and Lotte Zweig's South American Letters New York, Argentina and Brazil 1940-1942, angle, 2010, Continuum