Nestlé

El Vikipedio, la libera enciklopedio
Salti al navigilo Salti al serĉilo
Korporacia sidejo en Vevey, Vaud, Svisio.

Nestlé S.A. estas svisa transnacia konglomeraĵo de kompanioj por fabrikado kaj komercado de manĝaĵoj kaj trinkaĵoj kun sidejo en Vevey, Vaud, Svisio. Ĝi estas la plej granda nutrokompanio en la mondo, mezurita kaj per enspezado kaj per aliaj mezuriloj, ekde 2014.[1][2][3][4][5] Ĝi estis rangigita en la numero 64a en la listo de Fortune Global 500 en 2017[6] kaj en la numero 33a en la eldono de 2016 de la listo de Forbes Global 2000 de plej grandaj publikaj kompanioj.[7]

Inter la produktoj de Nestlé estas bebonutraĵoj, medicinaj manĝaĵoj, enboteligita akvo, cerealoj por matenmanĝo, kafo kaj teo, frandaĵoj, laktoproduktoj, glaciaĵoj, frostigitaj manĝaĵoj, maskotonutraĵoj, kaj manĝetoj. Dudek naŭ el la markoj de Nestlé havas ĉiutagajn vendojn de ĉirkaŭ mil milionoj da CHF (ĉirkaŭ 1.1 mil milionoj da usonaj dolaroj),[8] kiel Nespresso, Nescafé, Kit Kat, Smarties, Nesquik, Stouffer's, Vittel kaj Maggi. Nestlé havas 447 fabrikojn, funkcias en 189 landoj, kaj dungas ĉirkaŭ 339 000 personojn.[9] Ĝi estas unu el la ĉefaj kunposedantoj de L'Oreal, nome la plej granda kompanio de kosmetikaĵoj en la mondo.[10]

Nestlé estis formita en 1905 pere de la kunigo de svis-angla "Milk Company", establita en 1866 de la fratoj George kaj Charles Page, kun Farine Lactée Henri Nestlé, fondita en 1866 fare de Henri Nestlé.[11] La kompanio ege kreskiĝis dum la Unua Mondmilito kaj denove post la Dua Mondmilito, etendante siajn proponojn kiel kondensita lakto kaj nutroproduktoj por beboj. La kompanio faris nombrajn korporaciajn akirojn, kiel Crosse & Blackwell en 1950, Findus en 1963, Libby's en 1971, Rowntree Mackintosh en 1988, Klim en 1998, kaj Gerber en 2007.

La kompanio estas ligita al variaj polemikoj, kaj frontis kritikojn kaj bojkotojn pro sia merkatado de bebonutraĵoj kiel alternativo al la mamnutrado en disvolviĝantaj landoj, sia dependo de infanlaboro por la produktado de kakao, kaj sia produktado kaj disvastigo de la enbotela akvo.

Notoj[redakti | redakti fonton]

  1. "Nestlé's Brabeck: We have a "huge advantage" over big pharma in creating medical foods" En Webarchive [1] 10a de Aprilo 2014, CNN Money, 1a de Aprilo 2011
  2. "Nestlé: The unrepentant chocolatier" En Webarchive [2] 6a de Aprilo 2012, The Economist, 29a de Oktobro 2009. Alirita la 17an de Majo 2012
  3. The world's top 100 food & beverage companies – 2015: Change is the new normal. Food Engineering (9a de Septembro 2015). Arkivita el la originalo je 14a de Novembro 2016. Alirita 14a de Novembro 2016.
  4. McGrath, Maggie, The World's Largest Food And Beverage Companies 2016: Chocolate, Beer And Soda Lead The List [3] Forbes, alirita la 14an de Novembro 2016, 27a de Majo 2016, arkive en [4] arkive date en 15a de Novembro 2016
  5. Nestlé tops list of largest food companies in the world [5] Forbes, alirita la 26an de Oktobro 2017, arkive en [6] arkive date en 26a de Oktobro 2017.
  6. Fortune Global 500 List 2017: See Who Made It (en-US). Arkivita el la originalo je 30a de Januaro 2018. Alirita 30a de Januaro 2018.
  7. The World's Biggest Public Companies [7] Forbes, alirita la 14a de Novembro 2016, arkive en [8] arkiv-date en 10a de Aprilo 2015.
  8. "Nestlé: Tailoring products to local niches" En Webarchive [9] 9a de Decembro 2011. CNN, 2a de Julio 2010.
  9. Annual Results 2014. Nestlé. Arkivita el la originalo je 25a de Marto 2015. Alirita 25a de Marto 2015.
  10. "Nestlé to Decide on L’Oreal in 2014, Chairman Brabeck Says" En Webarchive [10] 8a de Julio 2014. Bloomberg, 14a de Aprilo 2011.
  11. "The History of Nestlé", Cleverism, 3a de Septembro 2015. (en-US)