Panama parulio
 | ||||||||||||||
|---|---|---|---|---|---|---|---|---|---|---|---|---|---|---|
 Panama parulio
| ||||||||||||||
| Biologia klasado | ||||||||||||||
| ||||||||||||||
| Basileuterus ignotus (Nelson, 1912) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
La Panama parulio (Basileuterus ignotus) estas specio de birdo de la familio de Paruliedoj kaj genro de Basileuterus ĉefe reprezentata en Centra kaj Sudameriko, de ĉefe fortikaj parulioj kun fortikaj bekoj kiuj havas olivecajn aŭ grizajn suprajn partojn kaj flavajn subajn partojn.
Ĝi troviĝas en nordokcidenta Kolombio kaj plej orienta Panamo. Ties natura habitato estas subtropikaj aŭ tropikaj humidaj montararbaroj. Ĝi estas minacata pro habitatoperdo. Ĝi estas limigita al tre malgranda teritorio de ĉ.180 km², en Alturas de Nique kaj Cerro Tacarcuna en Darién, Panamo, kaj nordokcidenta Chocó, en nordokcidenta Kolombio. En tiu teritorio ĝi okupas areon de malpli da 100 km² de taŭga habitato. Ĝi estas ĝenerale nekomuna, sed estis iom komuna super 1,400 m en Alturas de Nique (super Cana) en 1985. Ĝi loĝas en subkreskaĵaro de nanaj arbaroj kie ĝi estas vidata inter 1,350 kaj 1,650 m, sed foje tiom malalte kiom ĝis 1,200 m.
Temas pri parulio 13.5 cm longa kaj tre distinge markata. Ĝi havas malhelajn olivverdecajn suprajn partojn, kremoflavajn subajn partojn, helflavan superokulan strion bordatan nigre supre, ruĝecan kronon, kaj malhelajn olivecajn orelkovrilojn. La kanto ne estis ankoraŭ priskribata, dum la alvoko estas penetra “ciiŭt”.
La reprodukta kutimaro estas nekonata, sed ĵus oni vidis elnestiĝintan junulon en julio.
Referencoj[redakti | redakti fonton]
- Konsultita la 18an de julio 2010 Arkivigite je 2009-01-03 per la retarkivo Wayback Machine
- BirdLife International 2004. Basileuterus ignotus[rompita ligilo]. 2006 IUCN Ruĝa Listo de Minacataj Specioj. Konsultita la 25an de julio 2007.
Eksteraj ligiloj[redakti | redakti fonton]
- BirdLife Species Factsheet.[rompita ligilo]
| ||||||||||||||||||
