Robert Louis Stevenson

Robert Louis Stevenson
skota verkisto
Persona informo
Robert Louis Stevenson
Naskonomo	Robert Lewis Balfour Stevenson
Naskiĝo	13-an de novembro 1850 (1850-11-13) en Edinburgo
Morto	3-an de decembro 1894 (1894-12-03) (44-jaraĝa) en Vailima
Mortis pro	naturaj kialoj vd
Mortis per	cerba sangado vd
Tombo	Mount Vaea (en) Grave of Robert Louis Stevenson (en) vd
Religio	Presbiterianismo vd
Etno	skotoj vd
Lingvoj	angla vd
Loĝloko	Novurbo • Bournemouth • Samoa Insularo vd
Ŝtataneco	Unuiĝinta Reĝlando de Granda Britio kaj Irlando (1801–1922) Unuiĝinta Reĝlando vd
Alma mater	Universitato de Edinburgo University of Edinburgh School of Law (en) vd
Subskribo
Familio
Patro	Thomas Stevenson (en) vd
Patrino	Matilde Margaret Isabella Stevenson (en) vd
Edz(in)o	Fanny Stevenson (en) (1880, 1880–1894) vd
Parencoj	D.E. Stevenson (duaranga nevino) vd
Profesio
Okupo	poeto porinfana verkisto verkisto novelisto eseisto romanisto kantoverkisto vd
Laborkampo	kreiva kaj profesia verkado, prozo, vojaĝa literaturo, vojaĝlibro, eseo kaj poezio vd
Aktiva dum	1866–1894 vd
Verkado
Verkoj	Trezor-Insulo ❦ Kidnapped ❦ La Stranga Kazo de Doktoro Jekyll kaj Sinjoro Hyde ❦ A Child's Garden of Verses ❦ Prince Otto vd
vd	Fonto: Vikidatumoj

Robert Louis (Balfour) STEVENSON [RObet LUis STIvnsn] (naskiĝis la 13-an de novembro 1850 en Edinburgo, mortis la 3-an de decembro 1894 sur la insuloj Samoo) estis skota verkisto.

La filo de lumtur-konstruisto unue studis teknikon, poste juron, sed baldaŭ li plene dediĉis sin al la literaturo kaj aparte al aventuraj kaj vojaĝlibroj. Por mildigi sian pulmomalsanon li vojaĝis al sudaj landoj: ekz. al suda Francio, al Svislando, Kalifornio kaj al Samoo, kie li vivis ekde 1890 ĝis sia morto.

Listo de verkoj

• An inland voyage (navigacio enlanda)
• Treasure Island (Trezorinsulo, 1882)
• A Child's Garden of Verses (Infana Ĝardeno de Versoj, 1885)
• Kidnapped (Forkaptita, 1886)
• The Strange Case of Dr Jekyll and Mr Hyde (La Stranga Kazo de D-ro Jekyll kaj S-ro Hyde, 1886)
• The Master of Ballantrae (Mastro de Ballantrae, 1888)
• The Black Arrow (Nigra Sago, 1888)
• The bottle imp (Botel-diableto, 1892)
• The Beach of Falesá (Marbordo de Falesá)
• Catriona (Katriona, 1893)
• Weir of Hermiston (Hermistona Vejro, eld. 1896)
• The Suicide Club (Klubo de Sinmortigantoj)

En Esperanto aperis

• Doktoro Jekyll kaj Sinjoro Hyde. Trad. William Morrison kaj William W. Mann. London, 1909.
• Diablet’ en la Botel’. Trad. J. Seka. Eld. Esperanta Eldonejo Heinrich Harasin, Mainz, 1948.
• Trezorinsulo. 1977. Trad. Grace Kirkwood.
• D-ro Jekyll kaj s-ro Hyde. Trad. Albert Goodheir. 1980.
• La insulo de voĉoj. La diableto en la botelo. Trad. C.C. Vincent. 1982.
• D-ro Jekyll kaj s-ro Hyde. Trad. Fernando de Diego. 1985.
• La botel-diableto (nova traduko). Trad. E. de Bonaero. 1986.
• Forkaptita. Trad. Albert Goodheir. 1989.
• Esperanto per iom malpli ol 500 vortoj. A. Kerbel. 1999. (Tiu ĉi lernolibro rerakontas la romanon Trezorinsulo en facila stilo.)

Recenzoj

Pri 'Doktoro Jekyll kaj Sinjoro Hyde (1909)

„ Ĉi tiu verko estas unu el la plej rimarkindaj de l’ fama stilisto angla Robert Louis Stevenson. La historio, kiun ĝi en plej trafa kaj atentonkatenanta maniero prezentas, estas unu el la plej strangaj, kiun iam elpensis homa cerbo. Per majstre lertaj vortobildoj la aŭtoro vidigas al ni la malvolvigantajn fazojn de misteroplena okazaro, ĝis la fina deklaro de l' malfelica Harry Jekyll — en profunde interesa Capitro — malkasis la tutan enigmon. Ĉiu samideano, kiu volas legi bonstilan Esperantaĵon, kaj samtempe ĝui unu el la plej originalaj verkoj en la angla literaturo, devas aĉeti ĉi tiun tradukon. ” — Revuo Esperanto n72 10 feb 1910

---

Pri Diablet’ en la Botel’ (1948)

„ Jen N-ro 1 de “Kajeroj Internaciaj’’ : kolekto da noveloj, rakontoj, kaj historioj ĉiulandaj. S-ro Harasin petas kunlaboron. Oni skribu al li por detaloj. Ĉi tiu traduko de la fama rakonto de Stevenson estas flua kaj agrabla. Ni legis ĝin plezure. Kelkaj strangaĵoj ŝajnas esti pli vere penado ellabori propran lingvan stilon, ol eraroj de komencanto. Ni korektus : ŝatus (volus), Belgio (Belgujo), post kiam (kiam), dum kiam (dum), antaŭ kiam (antaŭ ol). Oni uzas pezajn kaj tute senutilajn korelativojn per kelk- : kelkiu— iu, kelkiom— iom, kelkiam—jen iufoje (sometimes), jen iam (once) ; jen kelkafoje (on various occasions). Aparte ĝena estas kelkiam . . . kelkiam . . . kelkiam . . . kelkiam anst. jen . . . jen (38). Kialboj koti [tiel] la i-korelativojn ? Mia kompatindinjo! Aĥ, etinjo ! estas interesaj eksperimentoj : sed ĉu Ah mianjo ! estas divenebla ? Kial kripligu du vortojn en la titolo ? Esprimoj notindaj : Mi observis du iojn (aferojn). Nur pro unu io mi timas. Dufoje ni renkontas la tre maloftan nenial, kaj ĝuste uzatan : Nenial miru (26), vi nenial hontos (19). Pli ol ĝise, more than before. Dumage, in the act. Li evitemis renkonti, was desirous not to meet. Malservi—eviti (45). Apenaŭ komprenebla uzo deeko (25, 35) Entute ni kore rekomendas la verkon, kaj bonvenigas ĝin kiel preskaŭ la unuan el postmilita Germanujo. ” — La Brita Esperantisto - Numeroj 523-524 nov-dec 1948

Filmoj laŭ R. L. Stevenson

Trezorinsulo estis filmigita pli ol 20-foje, ekzemple en 1950 fare de Walt Disney, kaj plurajn film-versiojn havas ankaŭ D-ro Jekyll kaj S-ro Hyde, Nigra Sago, Mastro de Balantrae, Klubo de Sinmortigantoj, Forkaptita.

Vidi ankaŭ

• Listo de skotaj literaturaj verkoj tradukitaj en Esperanton

Eksteraj ligiloj

• Plena verkaro de Robert Louis Stevenson (en la angla).
• Verkoj de Robert Louis Stevenson ĉe Projekto Gutenberg