Simo Milojeviĉ

El Vikipedio, la libera enciklopedio
Saltu al: navigado, serĉo

Simo MILOJEVIĈ, nacilingve: Milojević (naskiĝis en 1936 en Bosnio) estas ĵurnalisto kaj profesia esperantisto. Li esperantistiĝis en 1956, estis membro de la Akademio de Esperanto dum la jaroj 1989-1998.

En la komenco de sia movada aktivado li estis sekretario de loka Esperanto-klubo, poste de Jugoslavia Esperantista Junulara Asocio kaj de Jugoslavia Esperanto-Instituto. En 1963 li estis ĉefredaktoro de Jugoslavia esperantisto, poste de La suda stelo (1964, 1967-69). Kiel komisiito de UEA li restadis pli ol jaron (1960-61) en Hinda Unio kaj Nepalo por instrui Esperanton. Post sia transloĝiĝo al Nederlando, Milojević redaktis la revuon Kontakto (1970-74).

En 1974 li eklaboris en la Centra Oficejo de UEA, kiel vicdirektoro (1974-80) kaj redaktoro de Esperanto. Inter 1983 kaj 1995 li estis Ĝenerala Direktoro de UEA. En sia 60-a vivojaro, 1996, li decidis formeti ĉiujn movadajn funkciojn kaj labori kiel libroservisto kaj bibliotekisto en UEA, ĝis la fino de 2002, kiam li pensiiĝis. Ekde la fino de 2007 li vivas en Trebinje (Respubliko Serba, Bosnio kaj Hercegovino).

Milojeviĉ estis unu el la ĉefaj motoroj de UEA kaj Universalaj Kongresoj. Aŭtoro de sennombraj artikoloj.

Antaŭe: Ĝenerala Direktoro
de Universala Esperanto-Asocio
Poste:
Victor Sadler 19831996 Osmo Buller
Por tiu ĉi artikolo estas uzitaj materialoj el la libro Vojaĝo en Esperanto-lando de Boris Kolker kun afabla permeso de la aŭtoro.