Sylvester Stallone

Sylvester Stallone
	Sylvester Stallone
	;
Naskonomo	Michael Sylvester Enzio Stallone
Naskiĝo	6-an de julio 1946; Novjorko, Novjorkio, Usono
Kromnomo(j)	Sly
Aktivaj jaroj	1970 - nuntempo
Nuptopartnero	Sasha Czack (1974-1985); Brigitte Nielsen (1985-1987); Jennifer Flavin (1997-)
Oficiala ttt	www.sylvesterstallone.com
César
	Honora Cezaro; 1992 - por la tutviva laboro
Premio Ora Frambo
	Plej malbona aktoro; 1985 - Rhinestone; 1986 - Rambo II; Rocky IV; 1989 - Rambo III; 1993 - Stop! Or My Mom Will Shoot; Plej malbona reĝisoro; 1986 - Rocky IV; Plej malbona scenario; 1986 - Rambo II; Plej malbona aktoro de dekjaro; 1990 - Cobra; Lock Up; Over the Top; Rambo II; Rambo III; Rocky IV; Rhinestone; Tango & Cash; Plej malbona filma paro; 1995 - The Specialist; Plej malbona aktoro de centjaro; 2000 - por 99,5 % de ĉio, kion li kiam ajn faris; Plej malbona aktoro en apuda rolo; 2004 - Spy Kids 3-D: Game Over
v • d • r

Sylvester STALLONE, plennome: Michael Sylvester Enzio STALLONE (naskiĝis la 6-an de julio, 1946) estas usona aktoro, scenaristo kaj reĝisoro.

Vivo[redakti | redakti fonton]

Naskiĝinte en Novjorko, li studis aktoradon en la Universitato de Miami, Florido. Poste li aperis en teatraĵoj kaj – ne tre sukcese – en malgrandaj filmroloj kaj unufoje ankaŭ en pornografiaĵo.

Famon li akiris en 1976, per la ĉefrolo en la boksista filmo Rocky, por kiu li ankaŭ verkis la scenaron. Ĝis 1990 aperis kvar pliaj sekvoj de Rocky, sed neniu el ili kvalite atingis la originalon. Trifoje Stallone ankaŭ agis kiel reĝisoro: en Rocky II, III kaj IV.

Similan sorton havis la filmserio pri Rambo. Dum komence ankaŭ kritikaj elementoj riĉigis la filmon, poste la agado pli kaj pli koncentriĝis al bataloscenoj. Fine Sylvester Stallone ricevis interalie la premion kiel plej malbona aktoro de la 1980-aj jaroj kaj poste oni eĉ honoris lin plej malbona aktoro de la 20-a jarcento. Liaj aktoraj kapabloj fakte estis limigitaj, ĉar lia vizaĝo denaske estis parte paralizita.

Sylvester Stallone tri-foje edziĝis: al Brigitte Nielsen, Sasha Czack kaj Jennifer Flavin. Li havas kvin idojn, du kun S-ino Czack kaj tri kun S-ino Flavin.