UK 1938

	Universala Kongreso
Urbo (lando)	Londono (Britio)
Datoj	30-a de julio 1938 - 6-a de aŭgusto 1938
Prezidanto LKK	Fred Wadham
Alta protektanto
Aliĝintoj	1602
Menciinde

Komuna foto de la partoprenantoj

Louis Bastien (3-a de dekstre) kun partoprenantoj

La 30-a Universala Kongreso de Esperanto okazis de la 30-a de julio ĝis la 6-a de aŭgusto 1938 en Londono (Britio). Ĝi havis 1602 partoprenantojn. Ĝi estis la unua UK en tiu urbo, antaŭ la 56-a UK en 1971.

Nur unu triono de la anaro (ĉ. 500) estis eksterlandanoj. Tre atentata estis parolado de Edmond Privat, kiu kadre de aranĝo de la Kvakera Esperantista Societo pri "Esperanto kaj mondfrateco" parolis pri monda paco kaj mondaj problemoj.

Teatraĵo kaj ekskursoj

Lunde kaj marde oni prezentis en teatro Scala la teatraĵon "Eliza restas" (komedio triakta). Paralele oni prezentis filmon ("La tuta Anglujo"), tiel ke ĉiuj kongresanoj povis en unu aŭ alia tago ĉeesti ambaŭ prezentaĵojn.

Merkrede okazis ekskurso al Stratford on Avon, kun pli ol 200 partoprenantoj. 100 aliaj ekskursis al Hastings.