Valbuena de Duero
| Valbuena de Duero | |||
|---|---|---|---|
 | |||
municipo en Hispanio  vd
| |||
| Administrado | |||
| Poŝtkodo | 47359 | ||
| Demografio | |||
| Loĝantaro | 402 (2023) [+] | ||
| Loĝdenso | 9 loĝ./km² | ||
| Geografio | |||
| Geografia situo | 41° 39′ N, 4° 17′ U (mapo)41.6425-4.2911111111111Koordinatoj: 41° 39′ N, 4° 17′ U (mapo) [+] | ||
| Alto | 737 m [+] | ||
| Areo | 46 km² (4 600 ha) [+] | ||
| Horzono | UTC+01:00 [+] | ||
| |||
| |||
| |||
|
| |||
| Alia projekto | |||
 Vikimedia Komunejo Valbuena de Duero [+]
| |||
Valbuena de Duero [balBŬEna deDŬEro] estas municipo en la oriento de la provinco Valadolido, en la regiono Kastilio-Leono, Hispanio. Ĝi apartenas al komarko Campo de Peñafiel (Kamparo de Peñafiel) en la sudoriento de la provinco. La loknomo Valbuena de Duero estas komprenebla kiel Bona Valo de Doŭro.
Geografio
[redakti | redakti fonton]Ĝia municipa teritorio okupas totalan areon de 46,55 km² kaj laŭ la demografia informo de la municipa censo fare de la INE en 2021, ĝi havis 436 loĝantojn. Ĝi perdis 400 loĝantojn dum la 20-a jarcento pro migrado al urbaj areoj, kiel ja okazis en multaj loĝlokoj de la regiono.
Ĝi distas 40 km de Valadolido, provinca ĉefurbo kaj limas kun municipoj Villafuerte de Esgueva, Amusquillo, Villaco, Castroverde de Cerrato, Fombellida, Pesquera de Duero, Quintanilla de Arriba, Quintanilla de Onésimo, Olivares de Duero kaj Castrillo-Tejeriego. Ĝia municipa teritorio estas ebeneca kaj trairata de la rivero Doŭro. Plej proksima loĝloko estas San Bernardo, kiu esta submunicipo de Valbuena de Duero.
Valbuena estas inter Pesquera de Duero kaj Olivares de Duero laŭ la ŝoseo VP-3001; paralele kaj meandre fluas la rivero Doŭro kaj trans ĝi denove paralele estas la ŝoseo A-11 inter Quintanilla de Arriba kaj Quintanilla de Abajo.
Historio
[redakti | redakti fonton]La areo apartenis unue al la Regno Leono kaj poste al la Regno Kastilio. En Mezepoko okazis reloĝado.
Aktualo
[redakti | redakti fonton]Tradiciaj enspezofontoj estis agrikulturo (cerealoj, vitejoj, legomoj kaj terpomoj) kaj brutobredado (ŝafoj) kaj rilata komercado. Lastatempe kultura kaj rura turismo ekgravis (popola arkitekturo, historia heredo, piedirado).
De la historia pasinteco restis vizitindaj vidindaĵoj el kiuj menciindas la preĝejo, la ermitejo, restaĵoj de iama murego kaj ĉefe la Monaĥejo de Sankta Maria de Valbuena.
Monaĥejo de Sankta Maria de Valbuena
[redakti | redakti fonton]La Monaĥejo de Sankta Maria de Valbuena estas en San Bernardo, kiu esta submunicipo de Valbuena de Duero. Ĝi estis fondita en la 12-a jarcento ligita al Katalunio kaj Francio. Historie ĝi estis grava cistercia centro el kiu dependis multaj aliaj monaĥejoj en Iberio. Ĝi posedis etendajn cerealkampojn, muelejojn, vitejojn, gregojn, arbarojn, herbejojn, fiŝkaptejojn, salejojn ktp. Dum la Hispana Enlanda Milito estis koncentrejo de la frankisma partio. Nun estas muzeo kaj luksa hotelo.
Nun la komplekso konsistas el preĝejo, klostro, gastejoj, dormejoj ktp. En la preĝejo elstaras retabloj kaj kapeloj en kiuj rimarkindas romanikaj murpentraĵoj. La klostro estas duetaĝa, kun koridoroj, ekspoziciejo, kaj aliaj kutimaj monaĥejaj instalaĵoj.
Bildoj
[redakti | redakti fonton]-
Krucvojo al la preĝejo. -
Koridorkruco. -
Baroka retablero. -
Baroka retablero. -
Murpentraĵoj. -
Klostro.
.JPG)
