Versam

Versam
	Blazono de Versam
	Versam
former municipality of Switzerland
Kantono	Grizono
Distrikto	Surselva
Komunumaro	Ilanz
Koordinatoj	46° 47′ 35″ N 9° 20′ 24″ O / 46.79306 °N, 9.34000 °O (mapo)Koordinatoj: 46° 47′ 35″ N 9° 20′ 24″ O / 46.79306 °N, 9.34000 °O (mapo)
Nombro de loĝantoj	242
Areo	16,79 km²
Alteco	909 m super marnivelo
Poŝtkodo	7104
Komunumkodo	3587
	Mapo de Versam
	v • d • r

Por samtitola artikolo vidu la paĝon Versam-Safien (stacidomo).

Versam estas komunumo de la komunumaro Ilanz kaj la distrikto Surselva en Kantono Grizono, Svislando. Ĝi havis 242 loĝantojn je la 31-a de decembro 2009.

Geografio

Versam situas en la suba parto de la valo de Safien ĉe la bordo de la rivero Rabiusa, kiu alfluas ĉe la suda pinto de la komunumo al Antaŭa Rejno. La komunumo konsistas el la vilaĝoj Versam, Versam-Station, Arezen kaj Sculms.

Najbaraj komunumoj

La komunumo Versam limas en nordo al Flims, en nordoriento al Trin, en oriento al Bonaduz, en sudoriento al Rhäzüns, en sudsudoriento al Cazis, en sudo al Safien, en sudokcidento al Tenna, en okcidento al Valendas, kaj en nordnordokcidento al Sagogn.

Trafiko

Versam situas ĉe flanka vojo de Ilanz al Bonaduz, kaj de Versam suden kondukas la vojo al Safien. Al la publika transportreto Versam estas konektita per la poŝtaŭtolinioj de Versam al Safien kaj de Versam al Ilanz. Krome ekzistas en la sudo de la komunumo la stacidomo Versam-Safien de la Retia Fervojo. Tie haltas trajnoj al Ilanz, Koiro kaj Disentis.

Historio

La unua dokumenta mencio de Versam datiĝas el la jaro 1050 kiel a valle Versamia. La origine romanĉlingva komunumo estis en la 15-a jarcento germanigita per almigro de valzoj. Dum mezepoko ĝis fino de la 18-a jarcento Versam apartenis al la Senjorujo Valendas, kaj ĝi formis ĝis 1850 parton de la tribunalkomunumo Gruob. En la jaro 1901 Versam estis konstituciita kiel propra politika komunumo kune kun la vilaĝo Arezen. En 1851 Versam estis atribuita al la tiam kreita komunumaro Ilanz. En la jaro 1853 ankaŭ Sculms, kiu ĝis tiam apartenis al Bonaduz, estis atribuita al Versam. ^[1]