Wiosna

El Vikipedio, la libera enciklopedio
Salti al navigilo Salti al serĉilo
Printempo
Wiosna
Emblemo de Printempo
Lando Flago-de-Pollando.svg Pollando
Estro Robert Biedroń
Estro
Vicprezidantoj Marcin Anaszewicz, Gabriela Morawska-Stanecka
Ĝenerala sekretario Krzysztof Gawkowski
Fondiĝo 3-a de februaro 2019
Loko de fondiĝo Varsovio
Ideologio socialdemokratio, socialliberalismo, progresismo, verda politiko
Retejo wiosnabiedronia.pl
v  d  r
Information icon.svg

Printempo (pole Wiosna) estas pola centra-maldekstra politika partio fondita de Robert Biedroń (iama deputito de Sejmo kaj urbestro de Słupsk).

Dum la Balotoj por Eŭropa Parlamento 2019 la Komitato de partio Printempo akiris 826 975 da voĉoj (6,06%), tio estas la tria loko post Rajto kaj Justeco kaj Eŭropa Koalicio. Tio rezultis 3 MEP-mandatoj: d-ro Robert Biedroń (en la varsovia balotregiono, akirante 96388 / 6,96% da voĉoj), d-ino Sylwia Spurek (en la grandpolia balotregiono, akirante 55306 da voĉoj) kaj Łukasz Kohut (en la silezia balotregiono, akirante 48783 / 3,05% da voĉoj).

Politika programo[redakti | redakti fonton]

La 2019 en la sport-halo Torwar en Varsovio kun ĉ. 9000 partoprenantoj okazis la fondokunveno de Wiosna, en kiu oni prezentis la politikan programon de la partio (vidu la suban foton)[1]:

La granda sport-halo "Torwar" (enirejo) en Varsovio, kie okazis la fondo-kunveno de la partio Printempo, la 3-an de februaro 2019
Łukasz Kohut, aktivulo de Partio Printempo, de la 26a de majo 2019 dum la Balotoj por la Eŭropa Parlamento akiris MEP-mandaton
Krzysztof Gawkowski, sekretario de Wiosna / Printempo
Paulina Piechna-Więckiewicz, ekspertino de la partio

Ekonomia programo[redakti | redakti fonton]

  • Progresa plialtigo de minimuma salajro ĝis 2700 zlotoj en 2020, ĝis 3000 zl en 2021 kaj ĝis 3500 zl en 2024[2].
  • Minimuma pensio (emerituro) de 1600 zlotoj[3]
  • Forigo de la ŝtataj asekurejoj ZUS kaj KRUS, transdono de iliaj povoj al la fiska administracio[3].
  • Forigo de limigoj al solaj patroj kaj patrinoj edukantaj siajn infanojn kadre de la programo Rodzina 500 plus[4].
  • Egalaj salajroj por viroj kaj virinoj.
  • Minimuma salajro por instruistoj – 3500 zl, kaj por plej bonaj diplomitoj kaj profesoroj – 6000-7000 zl.

Sociala programo[redakti | redakti fonton]

  • Geedza egaleco sendependa de la sekso.
  • Garantiita rajto je aborto ĝis la 12-a semajno de la gravedo.
  • Senpaga aliro al ĉiaj kulturinstitucioj en tuta Pollando ĉiun dimanĉon.

Ŝanĝoj en la eduksistemo[5][redakti | redakti fonton]

  • Aldono de la temoj novaj teknologioj, klimatŝanĝo, porsana antaŭgardo, programlingvoj, komputila sekureco kaj rekonado de falsaj novaĵoj al la instruprogramo.
  • Enkonduko de moderna seksedukado kaj deviga edukado kontraŭ perforto en ĉiuspecaj lernejoj.
  • Duobligo de lecionoj de la angla lingvo, ebligo de instruado de unu lernobjekto en la angla lingvo en superbazaj lernejoj.

Estraro[redakti | redakti fonton]

Prezidanto:

Vicprezidantoj:

Sekretario:

Kasisto:

Aliaj aktivuloj:


Referencoj[redakti | redakti fonton]

  1. pole Wiosna de Biedroń en Varsovio. La politikisto prezentis en Torwar la programon kaj la nomon de la partio
  2. pole Digna laboro – Wiosna
  3. 3,0 3,1 pole Pensioj
  4. pole Porfamilia politiko
  5. pole Lernejo

Eksteraj ligiloj[redakti | redakti fonton]