Afrika Muzeo
| Afrika Muzeo | |||||
|---|---|---|---|---|---|
| |||||
| muzeo | |||||
| Lando | Nederlando vd | ||||
| Situo | Berg en Dal | ||||
| Adreso | Postweg 6 | ||||
| Poŝtkodo | 6571 CS | ||||
| Situanta sur | Postweg | ||||
| Estiĝo | 7-a de aprilo 1956 | ||||
| Koordinatoj | 51° 48′ 45″ N, 5° 54′ 34″ O (mapo)51.81255.909444Koordinatoj: 51° 48′ 45″ N, 5° 54′ 34″ O (mapo) | ||||
| |||||
 Afrika Muzeo | |||||
| |||||
| Retpaĝo | https://afrikamuseum.nl/en | ||||
La Afrika Muzeo estas etnografia muzeo en la municipo Berg en Dal de la provinco Gelderlando en Nederlando. Ĝi estas la nura muzeo en Nederlando dediĉita ekskluzive al arto afrika kaj al kulturoj sude de la dezerto Saharo.
Historio[redakti | redakti fonton]
La komenco de la muzeo devenas de malgranda sed valora privata kolekto de nederlandaj misiistoj, kiuj laboris en Afriko dum pli ol cent jaroj, fervoraj helpi al nederlandanoj akiri sciojn pri la fremda afrika mondo de vivo. Patro P. Bukkems, kiu jam delonge aktivis en Tanzanio, aparte engaĝiĝis al la starigo de afrika muzeo. En 1954, objektoj estis montritaj en unua ekspozicio kiun la misiistoj kunportis el Afriko tra la jaroj kaj kiuj antaŭe estis montritaj nur en vojaĝantaj misiaj ekspozicioj.
La subĉiela areo de la muzeo estis transformita en subĉielan muzeon en 1987. Dum renovigo en 2006, pluraj pli malnovaj individuaj konstruaĵoj estis ligitaj unu al la alia per moderna konekta konstruaĵo, la vitra atrio, kaj tiamaniere la muzeoareo preskaŭ estis duobligita.
En 2014 okazis fuzio de la Afrika Muzeo kun la Tropenmuseum ("tropika muzeo") en Amsterdamo kaj la muzeo pri etnologio en Lejdeno. La tri muzeoj kune nun formas la novan "Nacian Muzeon de Mondaj Kulturoj" (nederlande: Naciaal Museum van Wereldculturen), ili tamen daŭre konservas siajn antaŭajn nomojn kaj unikajn karakterizaĵojn.
.jpg)
Muzea konstruaĵo[redakti | redakti fonton]
Hodiaŭ la muzea konstruaĵo estas moderna duetaĝa konstruaĵa komplekso kun plata tegmento. Ĝis 500 homoj povas esti gastigitaj en la lumplena atrio de ĉirkaŭ 500 kvadrataj metroj. La atrio estas utiligita kiel ekspoziciejo kaj por apartaj eventoj.
Ĉambro regata de ruĝa koloro kun 150 sidlokoj - la tiel nomata aŭditorio - povas esti uzata por prezentoj, prelegoj aŭ simpozioj. Ĉi tiu spaco estis desegnita de la dizajnistoj Scholten kaj Baijings el Amsterdamo; granda tapiŝo kaj sidlokoj estis speciale desegnitaj kaj faritaj por la Afrika Muzeo.
Tri pliaj kunvenejoj estas disponeblaj por agadoj en pli malgrandaj grupoj.
Subĉiela muzeo[redakti | redakti fonton]
La apuda subĉiela muzeo situas sur ekstera areo de pluraj hektaroj kun multaj pli malnovaj arboj okcidente kaj norde de la muzea konstruaĵo. Inter vastaj, flegitaj gazonoj, promenaj sablaj vojoj kondukas al fidele reproduktitaj vivlokoj de afrikaj triboj.
La rekomendita itinero komenciĝas de la malgranda terkultiva setlejo de la kusaloj de Tempane, vilaĝo en nordorienta Ganao. Krom la tipaj rondaj loĝkonstruaĵoj sen pordoj estas elmontritaj ankaŭ eŭropaj influoj, kiel mebloj, radioj kaj bicikloj.
Ankaŭ viziteblas la domoj de la montaranoj de la sotoj el Lesoto, kelkaj fortikaĵ-similaj domoj de la dogonoj el suda Malio kaj tendaro de la baka-pigmeoj de Kamerunio kiuj vivas kiel ĉasistoj-kolektistoj en la tropika pluvarbaro. Speciala ekspozicio estas montraita en la muzeo pri tiu popolo, kiu devis ŝanĝi sian tradician vivmanieron pro la kreskanta senarbarigo de la pluvarbaro kaj pli kaj pli perdas sian identecon.
Krome, du palafitaj domoj estis starigitaj en areo de akvo, kiel tiuj konstruitaj de la tofinoj en Ganvié, vilaĝo ĉe la suda marbordo de Benino. La materialo por ĉi tiuj konstruaĵoj venas de Benino. Unu el la konstruaĵoj enhavas informcentron kaj la alia estis rekreita kiel eble plej aŭtentike kiel hejmo de tofinaa familio.
Ekzistas ankaŭ artefarita akvoareo kun flamingoj kaj malgranda restoracio en la subĉiela areo. Superdimensiaj, bunte pentritaj bestaj figuroj - kiel serpento pli ol 20 m longa - estis starigitaj kiel ludekipaĵo por infanoj.
Fontoj[redakti | redakti fonton]
- Unua versio de tiu teksto ekestis baze per traduko de materialo el la koncerna germanlingva teksto de la stato de la 27-a de julio 2023.
Eksteraj ligiloj[redakti | redakti fonton]
- Oficiala retejo (nederlande, germane kaj angle)