Däniken
| Däniken | |
|---|---|
 | |
| Blazono de Däniken | |
 | |
| Däniken, trafikcirklo en la vilaĝocentro kun rigardo al la atomcentralo Gösgen | |
| komunumo en Svislando | |
| Kantono | Soloturno |
| Distrikto | Olten |
| Koordinatoj | 47° 21′ 25″ N 7° 58′ 55″ O / 47.35694 °N, 7.98194 °O (mapo)Koordinatoj: 47° 21′ 25″ N 7° 58′ 55″ O / 47.35694 °N, 7.98194 °O (mapo) |
| Areo | 5,41 km² |
| Alteco | 382 m super marnivelo |
| Poŝtkodo | 4658 |
| Komunumkodo | 2572 |
 | |
| Mapo de Däniken | |
Pri la komunumo
Däniken estas komunumo en la distrikto Olten en Kantono Soloturno, Svislando. Ĝi havis 2692 loĝantojn je la 31-a de decembro 2010. (Ne miksu Dänkien en Kantono Soloturno kun Dänikon en Kantono Zuriko.)
Geografio
Däniken situas ĉe la suda bordo de la rivero Aro ĉe la norda deklivo de la ĵurasa montokresto Engelberg, meze inter la urboj Araŭo kaj Olten. Rekonilo de la komunumo estas la malvarmiga turo de la atomcentralo Gösgen, kiu situas ĉe la bordo de la rivero sur la teritorio de la komunumo. Al la komunumo apartenas krom la vilaĝo Däniken la frakcioj Eich, Neu-Däniken kaj Hagnau.
La teritorio de la komunumo etendiĝas sur areo de 5,41 km², de kiuj 34,2% estas kovritaj de arbaro, 32,3% servas por agrikulturo kaj 31,2% por setlado. [1]
Najbaraj komunumoj
La komunumo Däniken situas en nordo al Obergösgen, en nordoriento al Niedergösgen, en oriento al Gretzenbach, en sudo al Walterswil, kaj en okcidento al Dulliken.
Trafiko
Tra la komunumo pasas la kantona ĉefvojo n-ro 5 de Olten al Araŭo. La komunumo disponas pri stacidomo ĉe la trajnlinio de Svisaj Federaciaj Fervojoj de Zuriko tra Araŭo kaj Olten al Soloturno kaj Bielo. Krome tra la komunumo pasas diversaj buslinioj. La plej proksima alveturejo al la svisa aŭtovojo A1 estas Araŭo-okcidento en distanco de proksimume 5 kilometroj orienten.
Historio
La unua dokumenta mencio de Däniken datiĝas el la jaro 1273 kiel Tennikon. Dum mezepoko regis en Däniken la Baronoj de Gösgen kiel protektovoktoj de la Abatejo Schönenwerd. En la jaro 1382 la Senjoroj de Gösgen-Falkenstein heredis la vilaĝon, kiu en la jaro 1458 estis vendita al Soloturno. En la jaro 1627 Däniken estis apartigita de la voktejo Gösgen kaj atribuita al la ĉefejo Olten. [2]
Notoj kaj referencoj
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: [http://www.hls-dhs-dss.ch/textes/d/D1160.php Hans Brunner : Däniken en Historia Leksikono de Svislando (2004-03-19)]
Eksteraj Ligiloj
Bildoj
-
Katolika preĝejo de Däniken -
Reformita preĝejo -
Stacidomo de Däniken -
Domo en la vilaĝocentro -
Komunuma vartlaborejo
