Ruĝeckrona filoskopo

Kiel legi la taksonomion Ruĝeckrona filoskopo
Ruĝeckrona filoskopo ĉe Pietermaritzburg, Sudafriko
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Filoskopedoj Phylloscopidae Genro: Phylloscopus Specio: 'Ph. ruficapilla'
Dunomo
Phylloscopus ruficapilla (Sundevall, 1850)
Konserva statuso
Konserva statuso: Malplej zorgiga
Aliaj Vikimediaj projektoj

La Ruĝeckrona filoskopo aŭ Flavgorĝa filoskopo (Phylloscopus ruficapilla) estas specio de la genro de filoskopoj aŭ Phylloscopus lastatempe konsiderata kiel tipa genro en la propra familio de Filoskopedoj. Ĝi troviĝas en Sudorienta Afriko el Kenjo suden tra Tanzanio, Zambio, Malavio kaj Mozambiko, al Zimbabvo kaj Sudafriko. Ties natura habitato estas subtropikaj aŭ tropikaj sekaj arbaroj kaj humidaj arbaroj de malaltaj teroj.

Ĝi estas specio verdeca supre kaj blankeca sube, kiel plej parto de filoskopoj, sed krome ĝi havas flavecajn bruston (el kio devenas unu el la du alternativaj nomoj de la specio) kaj vizaĝon trapasatan de malhela traokula strio sub pli flava kaj markata superokula strio. Ankaŭ la krono estas iome brunecnuanca aŭ brunruĝecnuanca, kio nomigas la specion en Esperanto kaj en la latina scienca nomo.

Referencoj

• BirdLife International 2004. Phylloscopus ruficapilla. 2006 IUCN Ruĝa Listo de Minacataj Specioj. Konsultita la 10an de julio 2007.