Kangrilbirdo
 | ||||||||||||||
|---|---|---|---|---|---|---|---|---|---|---|---|---|---|---|
 Kangrilbirdo
| ||||||||||||||
| Biologia klasado | ||||||||||||||
| ||||||||||||||
| Locustella luscinioides (Savi, 1824) | ||||||||||||||
| Konserva statuso | ||||||||||||||
 Natura arealo
| ||||||||||||||
Aliaj Vikimediaj projektoj
| ||||||||||||||
La Kangrilbirdo, Locustella luscinioides, estas birdospecio de la genro de Locustella aŭ birdoj kiuj kantas kvazaŭ insektoj (Lokusto). Ili reproduktas en suda Eŭropo al moderklimata okcidenta Azio. Ĝi estas migranta specio, kiu vintrumas en subsahara Afriko.
Tiu malgranda paserina birdo troviĝas en kanejoj kaj junkejoj kutime kun arbustoj. La ino demetas 3-6 ovojn en nesto en kareksoj. Tiu specio estas rara reproduktanto nur en suda Anglio, kie ĝi preferas vastajn kareksejojn kiajn tiuj de Grove Ferry, Kent, RSPB Ham Wall, Somerset, kaj Hickling Broad, Norfolk.
Tiu estas mezgranda silviedo. La plenkreskulo havas nestrian grizbrunan dorson, blankecajn al tre helajn grizbrunajn subajn partojn (sen strioj kio distingas ĝin el la pli malgranda Rivera grilbirdo) kun pli koloraj ruĝecbrunecaj flankoj kaj samkolora subvosto, kiu estas ankaŭa distingilo el la Rivera grilbirdo. Estas hela superokula strio kaj sube ne tiom markata bruneca traokula strio. Ambaŭ seksoj estas identaj, kiel ĉe plej parto de lokusteloj, sed junuloj estas pli falvecaj sube. Kiel plej parto de silviedoj, ankaŭ tiu estas insektovora.
Tiu ne estas tro kaŝema specio, sed povas esti malfacile videbla en la kareksejoj escepte foje dum kantado.
La kanto estas monotona mekanika insekteca bobenado, ofte dum krespusko. Ĝi estas simila al la kanto de la Makula grilbirdo, sed ĝi estas pli rapida kaj profunda. Ties kanto ege similas al tiu de la Rosela grilo.
Tiun birdon priskribis unuafoje por la scienco la itala ornitologo Paolo Savi.
Eksteraj ligiloj[redakti | redakti fonton]
- Diferencoj laŭ aĝo kaj seksoj (PDF) de Javier Blasco-Zumeta Arkivigite je 2011-12-26 per la retarkivo Wayback Machine
| ||||||||||||||||||