Kataluna Esperanto-Junularo
Kataluna Esperanto-Junularo (katalune: Joventut Catalana d'Esperanto) estas la junulara Esperanto-organizo en Katalunio. Neformale fondita fine de la 1970-aj jaroj, ĝi formale ekfunkciis en 1985 kiel sekcio de Kataluna Esperanto-Asocio kaj ekeldonis la "revujon" Kata Luno. En 1988 fariĝis Landa Sekcio de TEJO. Inter 1990 kaj 1993 ĝi publikigis la revuon Freqüències (Revista de llengües i pobles) en la kataluna.
Post vigla aktivado ĝis la komenco de la 1990-aj jaroj, ĝi stagnis ĝis 2005, kiam nova generacio de aktivuloj el Katalunio kaj Valencilando relanĉis la organizon.
Nuna estraro
- Estraro: Aida Sunyol, Anna Raventós kaj Roger Sanjaume
Prezidintoj
- Òscar Puig i Cánovas (1985)
- Hèctor Alòs i Font (1986-1987)
- Gemma Armadans i Gil (1988-1993?)
- Lluís Garcia i Casademont (?-2005)
- Lluís Batlle i Rossell (2006)
- Jordi Aromí i Martos (2007-2008)
- Anna Raventós i Gascon (2008-)