Esperanto-Asocio de Britio

El Vikipedio, la libera enciklopedio
Saltu al: navigado, serĉo
anglalingva emblemo de Esperanto-Asocio de Britio

Esperanto-Asocio de Britio (EAB, angle Esperanto Association of Britain) estas la plej granda Esperanto-asocio en tiu lando. Ĝi fondiĝis en 1976 kiel registrita bonfara asocio surbaze de Brita Esperanto-Asocio. EAB tiel estas la heredanto de la iama BEA, kiu fondiĝis en 1904, kaj rigardis la jaron 2004 kiel ĝia propra centjariĝo.

Ekde 2001 la sidejo de EAB troviĝas en la vilaĝo de Barlastono (angle: Barlaston), kelkaj kilometroj sude de la urbo de Stoke-on-Trent, en Okcidentmezlanda Anglio. Ĝi havas rilaton kun la apuda Wedgwood Memorial College, kiun ĝi uzas por kursoj kaj kunvenoj. La Biblioteko Butler (kiu enhavas la kolekton de Montague Butler) ankaŭ troviĝas en la samaj konstruaĵoj.

EAB eldonas du revuojn:

  • EAB Ĝisdate - (pli ofte konata kiel ĝia angla nomo "Update") kiu enhavas novaĵojn kaj diversajn artikolojn kaj en Esperanto kaj la angla;
  • La Brita Esperantisto - literatura kaj kultura revuo, tute en Esperanto.

EAB ankaŭ eldonas la Manlibron (angle: Handbook) kiu enhavas informojn pri diversaj esperantistoj kaj grupoj.

memortabulo pri la inaŭguro de la nuna asocia sidejo, la Esperanto-domo Barlaston, en 2002

Vidu ankaŭ[redakti | redakti fonton]

Eksteraj ligiloj[redakti | redakti fonton]