Otto Struve
| Otto Ljudvigoviĉ Struve | |
|---|---|
| Persona informo | |
| Nomo | Otto Ljudvigoviĉ Struve |
| Dato de naskiĝo | 12-a de aŭgusto 1897 |
| Naskiĝloko | Ĥarkovo |
| Dato de morto | 6-a de aprilo 1963 |
| Mortoloko | Berkeley (Kalifornio) |
| Aĝo je morto | 65 |
| Okupoj kaj profesioj | |
| Okupo | astronomo |
| Geografio | |
| Ŝtato | Rusio |
| Familio | |
| Patro | Ludwig Struve [+] |
| Patrino | Elizaveta Khristoforovna Groman [+] |
| Lingvoj | |
| Parolata lingvo | angla lingvo, rusa lingvo [+] |
| Ceteraj informoj | |
| Honorigo | Guggenheim-stipendio, Membro de la Reĝa Societo de Londono, Henry Draper Medal, Henry Norris Russell Lectureship, Gold Medal of the Royal Astronomical Society, Bruce Medal, Prix Jules Janssen, Janssen Medal, Fellow of the American Physical Society, Honorary Doctorate from the National Autonomous University of Mexico [+] |
| Portalo pri Homoj | |
Otto Ljudvigoviĉ Struve (Отто Людвигович Струве ; naskiĝis la 12-an de aŭgusto 1897 en Ĥarkovo, mortis la 6-an de aprilo 1963 en Berkeley (Kalifornio)) estis rusa astronomo Li migris en Usonon en 1921 kaj tie karieris.
Oni ne konfuzu lin kun lia avo Otto Wilhelm von Struve (1819 - 1905)
Vivo
Li naskiĝis en Ĥarkovo, kiu estis tiam en la Rusia Imperio; en german-devena familio kiu naskis plurajn famajn astronomojn: li estis filo de Gustav Wilhelm Ludwig Struve, nepo de Otto Wilhelm von Struve, nevo de Hermann Struve, kuzo de Georg Hermann Struve...
Tre june li ekinteresiĝis pri astronomio, 8-jar-aĝa li akompanis sian patron en la observatorion Pulkovon kaj tie faris kelkajn observojn. Li eniris en 1915 en la universitato de Ĥarkovo, sed la unua mondmilito interrompi lian lernado : en 1917 li estas sendita sur la turkan fronton.
Dum la rusia enlanda milito, Otto Stuve batalis kun la blankaj rusoj. Kiam la "blankoj" malvenkis, li elmigris al Turkio, akompanita de sia patro Ludwig Struve. Tiu ĉi kiu mortis en Sebastopolo en 1920.
Li restis unu jaron kaj duonon en Kalipolis kaj Istanbulo. Li petis per letero helpon de sia onklo Hermann Struve en Germanio, nesciante ke tiu ĉi mortis kelkaj monatoj antaŭ. Tamen ties vidvino petis al Paul Guthnick, posteulo de Hermann Struve en la observatorio de Berlino. Tiu ĉi skribis al Edwin B. Frost, direktoro de la observatorio Yerkes de Ĉikago. La 2-an de marto 1921, Frost proponis al Otto Struve postenon en sia observatorio. La 7-an de oktobro 1921, Otto Struve elŝipiĝis en Usonon.
| 991 Makdonaldo | 24-a de oktobro 1922 |
| 992 Svazejo | 14-a de novembro 1922 |
Astronomio
Li komencis labori en la observatorio Yerkes, kie li malkovris du asteroidojn. Li ricevis la usonan naciecon en 1927, kaj posteulis al Edwin B. Frost kiel direktoro de la observatorio de Yerkes de 1932 al 1947. Li estis ankaŭ la unua direktoro de la observatorio McDonald, de la Observatorio Leuschner kaj de la Nacia Observatorio de radioastronomio de la Universitato de Virginio.
En 1937 li observas tion, kiu estos nomita la efiko de Struve-Sahade : ŝajna plifortiĝo aŭ malfortiĝo de la spektraj linioj de la dua komponanto de duopa stelo, kaŭ ke ĝi proksimiĝas aŭ malproksimiĝas. Tiu efiko malhelpas, kiam oni serĉas distingi la spektrojn de ambaŭ steloj[1].
Li estis unu el la unuaj astronomoj, kiuj serioze opinis ke vivo abunde ekzistus en la universo, kaj estis partizano de la serĉo de ekstertera vivo.
Li estis ĉefredaktoro de Astrophysical Journal de 1932 al 1947 kaj prezidento de la American Astronomical Society de 1946 al 1949.
Honoroj
Li ricevis:
- La oran medalon de la Royal Astronomical Society[2] en 1944,
- La Bruce Medalon[3] en 1948.
- La Medalon Henry Draper en 1949,
- La premion "Henry Norris Russell Lectureship" de la American Astronomical Society en 1957
Oni donis lian nomon al:
- La luna kratero Stuve, honore al la tri astronomoj de la familio Struve,
- La asteroidoj 768 Struveano[4] por la tri astronomoj de lia familio, kaj 2227 Otto Struve[5],
- La Teleskopo Otto Struve de la observatorio MC Donald.
Noto kaj referencoj
- ↑ THE STRUVE-SAHADE EFFECT: A TALE OF THREE STARS (la efiko de Struve-Sahade, historio de tri steloj) de William G. Bagnuolo jr.Douglas R. Gies, Reeds Riddle kaj Laura R. Penny (angle)
- ↑ Winners of the Gold Medal of the Royal Astronomical Society (Ricevintoj de la Ora medalo de la Royal Astronomical Society) (angle)
- ↑ Bruce-Medaluloj: Otto Struve (angle)
- ↑ JPL Small-Body Database Browser 768 Struveana (1913 SZ) (angle)
- ↑ Struve JPL Small-Body Database Browser 2227 Otto Struve (1955 RX) (angle)