Puplinge

El Vikipedio, la libera enciklopedio
Saltu al: navigado, serĉo
Puplinge
Blazono de Puplinge
Puplinge kun Monto Blanka en malantaŭo
Kantono Ĝenevo
Distrikto (Ne estas distriktoj en
Kantono Ĝenevo)
Koordinatoj  46°12′46″N 6°14′0″E  /  46.21278°N, 6.23333°O / 46.21278; 6.23333 (Puplinge)
Nombro de enloĝantoj 2047
Areo 2,72 km²
Alteco 430 m super marnivelo
Poŝtkodo 1241
Komunumkodo 6636
Mapo de Puplinge

Pri la komunumo[redakti | redakti fonton]

Puplinge estas komunumo en Kantono Ĝenevo, Svislando. Ĝi havis 2047 loĝantojn je la 30-a de aprilo 2010.

Geografio[redakti | redakti fonton]

Puplinge situas en oriento de la kantono ĉe la franca landlimo en distanco de naŭ kilometroj nordoriente de la kantonĉefurbo Ĝenevo. De Publinge oni havas mirindan belvidon al la masivo de Monto Blanka.

La teritorio de la komunumo etendiĝas sur areo de 2,64 km², de kiuj 4,5% estas kovritaj de arbaro, 74,6% servas por agrikulturo kaj 20,8% por setlado.

Najbaraj komunumoj[redakti | redakti fonton]

La komunumo Puplinge limas en nordo al Choulex, en oriento al Presinge, en sudoriento al Ville-la-Grand (Francio), en sudokcidento al Ambilly (Francio), kaj en okcidento al Thônex.

Trafiko[redakti | redakti fonton]

La komunumo situas flanke de la gravaj trafikvojoj. Presinge estas konektita al la publika transportreto de Ĝenevo per la buslinio n-ro C. La plej proksima stacidomo situas situas en distanco de nur kelcent metroj aliflanke de la landlimo en Ville-la-Grand ĉe la franca trajnlino de Ĝenevo al Thonon-les-Bains.

Historio[redakti | redakti fonton]

La unua dokumenta mencio de Puplinge datiĝas el la jaro 1573.[1]

Dum mezepoko Puplinge estis parto de la savoja urbo Ville-la-Grand. De 1536 ĝis 1567 Puplinge estis okupita de Berno. Dum la berna okupado Puplinge alprenis la reformitan kristanan religion, por poste denove sub savoja regado ĝi devis realiĝi al katolikismo. Inter 1792 ĝis 1816 Puplinge apartenis al Francio, tiam per la kontrakto de Torino ĝi fariĝis parto de la Respubliko Ĝenevo kaj kune kun ĝi de Svislando. Ĝis 1851 ĝi formis unu nuran komunumon kune kun Presinge. Tiam Presinge fariĝis memstara.

Notoj kaj referencoj[redakti | redakti fonton]

  1. Fonto: Fabia Christen: Puplinge en Historia Leksikono de Svislando (2009-12-17)

Eksteraj Ligiloj[redakti | redakti fonton]