Ĝenevo
| Ĝenevo | |
|---|---|
 |
|
 |
|
| Kantono | Ĝenevo |
| Distrikto | Ne estas distriktoj en la Kantono Ĝenevo |
| Koordinatoj | 46°12′N 6°9′O / 46.2°N, 6.15°O |
| Nombro de enloĝantoj | 185 726 |
| Areo | 15,86 km² |
| Alteco | 375 m super marnivelo |
| Poŝtkodo | 1200 |
| Komunumkodo | 6621 |
 |
|
Ĝenevo (france Genève [ʒəˈnɛv], germane Genf [ɡɛnf], itale Ginevra [d͡ʒiˈne:vra], romanĉe Genevra [d͡ʒeˈne:vra]) estas urbo en Svislando, ĉefurbo de la samnoma kantono Ĝenevo, ĉe la okcidenta rando de lago Lemano, kie elfluas la rivero Rodano. Je la 31-a de decembro 2007 ĝi havis 185.726 enloĝantojn. La plejparto el ili parolas la francan, kiu estas la oficiala lingvo de la urbo kaj kantono.
Enhavo |
Historio [redakti]
- La pravilaĝon fondis la kelta popolo de la Alobrogoj. Cezaro vokis tiun vilaĝon Geneva (De Bello Gallico, 1:7).
- En la 5-a jarcento, Ĝenevo iĝis ĉefurbo de Burgonjo.
- En 563 cunamo detruis la urbon.
- En 1536 alvenis Kalvino, kiu iniciatis teokratian regadon.
- Ĝenevo apartenis al la napoleona Unua Franca Imperio ĝis 1813. En 1815 ĝi fariĝis 22-a kantono de la Svisa Konfederacio.
Vidindaĵoj [redakti]
- Ĉe la suda rando de Rodano kaj Lemano situas la Rues-Basses [rü bas] (Malaltaj Stratoj), komerca centro de la urbo (stratoj Rue du Rhône, Rue de la Confédération, Rue de Rive, Place Molard).
- En la plej alta punkto de la Malnova Urbo estas la Preĝejo de Sankta Petro (Temple St-Pierre), la katedralo de Ĝenevo.
- Norde de la lago estas la Palaco de la Unuiĝintaj Nacioj (Palais des Nations).
Esperanto en Ĝenevo [redakti]
En Ĝenevo okazis la 2-a Universala Kongreso de Esperanto en 1906 kaj la 17-a UK en 1925. Universala Esperanto-Asocio havis sian sidejon en tiu ĉi urbo de la fondiĝo en 1908 ĝis 1919, post jaro en Berno denove en Ĝenevo ekde 1920 kaj de tiam ĝis 1947. En tiu jaro la sidejo eknomiĝis Serva Centro. Ĝi funkciis ĝis 1960/1962 ĉefe kiel stokejo de la Biblioteko Hector Hodler; la plej multajn librojn oni en tiuj jaroj transportis al la Centra Oficejo en Roterdamo. En 1980 la Serva Centro malaperis el la statuto.
En 2007 Ĝenevo gastigis la Ĝeneralan Kunvenon de Svisa Esperanto-Societo.
En la jaro 2009 la urbo mem renovigis kaj denove inaŭguris la memorŝildon pri Zamenhof en la Strato Vieux-Collège 12. Tiu memorŝildo rememorigas pri la veno de Zamenhof al la urbo Ĝenevo en la jaro 1905. En Ĝenevo troviĝas la esperanto-klubo la Stelo kaj la esperanto-klubo Espéranto Genève-Régions.
Esperantistoj el Ĝenevo [redakti]
Famaj civitanoj de Ĝenevo [redakti]
- Johano Calvino (1509-1564), teologo kaj protestanta refomatoro.
- Guillaume-Henri Dufour (1787-1875), generalo de la Svisa Armeo dum Apartfederacia Milito, kunfondinto de la Ruĝa Kruco kaj ties unua prezidanto.
- Pierre Edmond Boissier (1810-1885), botanikisto.
- Henri Dunant (1828-1910), iniciinto kaj kunfondinto de la Ruĝa Kruco, nobelprimiito pri paco.
Bildoj [redakti]
-
La fontano en la lago Lemano, simbolo de la urbo
-
Rue du Vieux-Collège 12, Genève. Foto Mireille Grosjean
-
Rue du Vieux-Collège 12, Genève. Foto Mireille Grosjean
_054.JPG)
Eksteraj ligiloj [redakti]
- Vidu ankaŭ en la Vikimedia komunejo la kategorion Ĝenevo – (Kolekto de bildoj kaj plurmediaj dosieroj)
|
||||||
