Lemano

Satelita bildo de Lemano

Kastelo Chillon ĉe Lemano (oriente)

La lago Lemano (aŭ: Lemana Lago) situas sur la landlimo inter Svislando kaj Francio. Ĝia franca nomo estas (Lac) Léman [lak lemɑ̃], foje ĝi nomiĝas Lago de Ĝenevo, kio ankaŭ kongruas al la germana nomo Genfer See [ˈgɛnfɐ zeː].

Enhavo

1 Nombroj kaj faktoj
2 Galerio
3 Urboj ĉirkaŭ Lemano
- 3.1 Svisaj urboj
- 3.2 Francaj urboj
4 Vidu ankaŭ
5 Eksteraj ligiloj

Nombroj kaj faktoj [redakti]

Lemano longas 72 km kaj grandas 582,4 km², ĝia maksimuma larĝo estas ĉ. 13 km. Ĝi estas la plej granda lago de okcidenta Eŭropo, pli granda ol la Konstanca Lago. El ĝia surfaco 234 km² (40 %) kalkuliĝas al Francio, 348,4 km² (60 %) al Svislando. Ĝia pleja profundo estas 309,7 m, ĝia meza alto super marnivelo 372 m. Ĝian volumenon oni kalkulas je 89 km³. Trafluas ĝin la rivero Rodano.

Bordas al la lago la tri svisaj kantonoj Ĝenevo, Vaŭdo kaj Valezo kaj la franca distriktaro (provinco) Haute-Savoie. Gravaj urboj ĉelagaj estas Ĝenevo, Laŭzano, Vevey kaj Montreŭ en Svislando kaj Thonon-les-Bains en Francio.