Wilmington (Norda Karolino)

Wilmington estas grandurbo en Usono, en subŝtato Norda Karolino, en Kantono New Hanover. Ĝi estas grava havenurbo kaj administrejo de la kantono. Wilmington estis nomita pri Spencer Compton, grafo de Wilmington.

Situo de Wilmington en Norda Karolino

Bazaj informoj

• Koordinatoj: 34°13′N 77°54′U
• Areo: 107 km²
• Loĝantaro: 106.476 (en 2010)
• Supermara alteco: 9 m
• Horzono: UTC-5h (en somero UTC-4h )
• Poŝtkodoj: 28401-28412
• Telefonkodoj: 910

Aerfoto de Wilmington

Geografio

Wilmington situas sur la marborda ebenaĵo ĉe enfluejo de rivero al Atlantiko en la orienta landparto de Usono, en la suda parto de Norda Karolino.

Historio

Wilmington fondiĝis en 1739. Tiutempe sklavoj hakis la arbojn en la ĉirkaŭaĵo. Dum la Usona Enlanda Milito en 1865 la norda armeo okupis la havenon kaj urbon. En 1898 blankuloj atakis redaktejon de afrikanoj, krome aliloke murdis homojn afrikanajn. Dum la 2-a mondmilito en Wilmington produktis armeajn ŝipojn.

Ekonomio

En Wilmington oni ĉefe okupiĝas pri elektraj, medicinaj, elektronikaj industrioj, krome estas vestaĵo- kaj nutraĵo-prilaboroj. Ankaŭ la turismo kaj filmoproduktadoj estas menciindaj.

Trafiko

Wilmington havas internacian flughavenon. Aŭtoŝoseo kuras al Raleigh, trajno kuras al Charlotte. En la urbego aŭtobusoj liveras la pasaĝerojn. Estas ĉiutaga busservo al Raleigh.

Panoramo en Wilmington

Vojo en Wilmington

Edukado

Wilmington estas hejmo de Universitato de Norda Karolino kaj Universitato de Norda Karolino ĉe Chapel Hill.

Klimato

Wilmington situas en humida subtropika zono. La temperaturo averaĝe varias inter 12-23 °C. La varmo kulminas en julio ofte kun 32 °C, la malvarmo kulminas en januaro kun rekordo 2 °C (malofte frostas kaj neĝas). Jare pluvas po 1450 mm. En ĉiuj monatoj pluvas. La pluvo kulminas en septembro.

Vidindaĵoj

• muzeoj pri militŝipoj, pri artoj, pri historio kaj sciencoj,
• universitata kaj kantona arboretoj
• Operejo
• episkopa preĝejo de Sankta Johano
• katolika preĝejo de Sankta Maria
• sinagogo, la plej malnova en la subŝtato

Famuloj

Wilmington estas naskiĝurbo de Percy Heath.

Ĝemelurboj

• Bridgetown, Barbado - 2004
• Doncaster, Britio - 1989
• Dandong, Ĉinio - 1986

Fontoj

• Képes Világatlasz ISBN 963 8475 38 2
• Anglalingva Vikipedio

Mapo pri Norda Karolino, kie estas trovebla Wilmington sude laŭ Atlantiko