Feliks Jasieński
| Feliks Jasieński | |
|---|---|
| |
| Persona informo | |
| Naskiĝo | 8-an de julio 1861 en Grzegorzowice, Świętokrzyskie Voivodeship |
| Morto | 6-an de aprilo 1929 (67-jaraĝa) en Krakovo |
| Tombo | Tombejo Rakowicki en Krakovo 
|
| Lingvoj | pola |
| Ŝtataneco | Pollando
|
| Okupo | |
| Okupo | artokritikisto pianisto komponisto artkolektanto publikigisto
|
Feliks Jasieński blazono Dołęga, pseŭdonomo Manggha kaj aliaj (naskiĝis la 8-an de julio 1861 en vilaĝo Grzegórzewice, distrikto Ostrowiecki, mortis la 6-an de aprilo 1929 en Krakovo) – pola kritikisto kaj kolektisto de artaĵoj. Liaj prauloj estis riĉaj kaj influaj bienposedantoj en Sanktakruca Provinco en la 19-a jarcento. La pseŭdonomo Manggha - uzata de li plej ofte - devenas de la titolo de kolekto de lignogravuraĵoj de la japana artisto Katsushika Hokusai.
Pluraj eksterlandaj vojaĝoj permesis al Feliks Jasieński konatiĝi kun la plej novaj artofluoj kaj arigi riĉan kolekton de la japana arto. De 1888 ekloĝis en Varsovio, sed en 1901 translokiĝis al Krakovo, kie plenumis esence gravan rolon kiel mecenato de arto kaj promociisto de modernismo. Lia kolektaĵo - ampleksanta interalie grafikaĵojn kaj eŭropan ceramikon, kolekton de teksaĵoj el Eŭropo kaj Fora Oriento, plurajn antikvaĵojn kaj menciitan japanan kolekton - inspiris multajn artistojn, kiel Julian Fałat, Leon Wyczółkowski, Józef Mehoffer, Ferdynand Ruszczyc, Wojciech Weiss, Józef Pankiewicz, Stanisław Witkiewicz.
Fine de la 1980-aj jaroj pola filmisto Andrzej Wajda fordonis sian premion de la urbo Kioto por konstrui Centron de la Japana Arto kaj Tekniko Manggha en Krakovo. Tie oni kunvenigis la kolektaĵojn de Feliks Jasieński.