Zhou Guangzhao
| Zhou Guangzhao | |||||
|---|---|---|---|---|---|
| Persona informo | |||||
| Naskiĝo | 15-an de majo 1929 (95-jaraĝa) en Ĉangŝa | ||||
| Ŝtataneco | Popola Respubliko Ĉinio Respubliko Ĉinio  vd
| ||||
| Alma mater | Pekina Universitato Tsinghua Universitato vd
| ||||
| Partio | Komunista Partio de Ĉinio vd
| ||||
| Profesio | |||||
| Okupo | teoria fizikisto nuklea fizikisto fizikisto politikisto vd
| ||||
| Aktiva dum | 1957– vd | ||||
| |||||
| |||||
| |||||
| vd | Fonto: Vikidatumoj | ||||
ZHOU Guangzhao (周光召 ; Zhōu Guāngzhāo ; naskiĝis la 15-an de majo 1929 en Ĉangŝa) estas ĉina fizikisto, li estis prezidento de la Ĉina Akademio de Sciencoj de 1987 ĝis 1997.
Komenca vivo kaj eduko[redakti | redakti fonton]
Zhou Guangzhao naskiĝis en 1929 en Ĉangŝa, ĉefurbo de la provinco Hunano, kvina infano de la civila inĝeniero Zhou Fengjiu kaj juna frato de la biokemiisto kaj genetikisto Zhou Guangyu.
De 1946 ĝis 1951 li lernis en la departemento de Fiziko de la Universitato Tsinghua (ĉine : 清华大学, Qīnghuá Dàxué), kie li ricevis sian diplomon. Poste li lernis teorian fizikon dum tri jaroj ĉe la Pekina Universitato ; li restis en tiu universitato post esti plenuminta sian Ph. D. En 1957 li estis sendita en Sovetunion fare de la Ĉina Instituto de Esploro pri Nuklea Energio por labori ĉe la Kuna Instituto por Atomfizika Esploro de Dubna.
Kariero[redakti | redakti fonton]
Zhou Guangzhao reiris en Ĉinion en 1960, kie li laboris por la Ĉina Programo pri Nukleaj Armiloj, kontribuante al la disvolvo de unua ĉina atombombo. Fine li fariĝis prezidento de la Ĉina Programo pri Nukleaj Armiloj. Li estis elektita al la Ĉina Akademio de Sciencoj kaj pli malfrue fariĝis Vic-Prezidento (1984 – 1987) kaj Prezidento (1987 – 1997) de ĉi tiu akademio.
La teoria laboro de Zhou Guangzhao centriĝis sur la partikla fiziko. Li estas kreditita de la malkovro de la "PKAK" : Parta Konserviĝo de la Aksa Kurento (konata sub la angla akronimo PCAC), grava paŝo al la kompreno pri la rompo de simetrio.[1]
Li unue vizitis Usonon en 1979. En la 1980-aj jaroj, li pasis tempon kiel invitata esploristo ĉe la Virginia Tek kaj ĉe la CERN en Svislando. Li estis elektita al la Usona Nacia Akademio de Sciencoj en 1987.
La asteroido 3462 Zhouguangzhao[2] (malkovrita elde Purpura Monto) estis nomita en lia honoro.
Notoj kaj referencoj[redakti | redakti fonton]
Eksteraj ligiloj[redakti | redakti fonton]
- angle Zhou Guangzhao, profesoro ĉe la Instituto de Teoria Fiziko de la Ĉina Akademio de Scienco Arkivigite je 2012-10-01 per la retarkivo Wayback Machine
- angle ZHOU Guangzhao Doktor pri Scienco honoris causa ĉe la Universitato de Honkongo
- angle Biografio de Zhou Guangzhao ĉe China Vitae Arkivigite je 2016-11-04 per la retarkivo Wayback Machine