Ĝermolisto de israelaj esperantistoj

Tiu ĉi paĝo listigas ĝermajn informojn pri israelaj esperantistoj. Movu mallongajn informojn pri israelaj esperantistoj en tiun ĉi paĝon metante alidirektilon.
Se vi volus partigi informon en apartan artikolon, aldonu informojn tiel ke minimume estu tri plenaj frazoj, prefere pli, nepre estu ĝustaj kategorioj, almenaŭ kategorio:israelaj esperantistoj, kaj laŭeble ankaŭ uziĝu la ŝablonoj {{Informkesto homo}} kaj {{vivtempo}}. Post kreo de aparta artikolo forigu la informon de ĉi-tie.
Ekzistas pli plena listo de israelaj esperantistoj, en kiu listiĝu la nomoj de israelaj esperantistoj aŭ menciataj ĉi-tie aŭ per propra biografia artikolo.

Enhavo:

A B C Ĉ D E F G Ĝ H Ĥ I J Ĵ K L M N O P R S Ŝ T U Ŭ V Z

B

Jeĥiel Ben-Alter

Jeĥiel BEN-ALTER (naskiĝis en 1907- mortis 1984 en Petaĥ Tikva) estis dum longa tempo la peranto de UEA en Israelo. Eklerninte Esperanton 14-jara, li gvidis multajn kursojn, tradukis hebreajn kantojn, kaj oficis kiel redaktoro, sekretario kaj prezidanto en la landa movado.

C

Grigor G. Choutoff

Grigor G. CHOUTOFF (naskiĝis en 1906, mortis meze de 1989 en Maabarot, Israelo) estis dumviva membro de UEA. Li estis fakdelegito pri kibucoj (aŭ "kolektivaj kolonioj") de post 1945.

G

Dror Gaon

Dror GAON (דרור גאון) estas israela esperantisto, devene el Petaĥ Tikva kaj nun vivanta en Tel-Avivo. Li naskiĝis la 5-an de decembro, probable en 1974. En aŭgusto 2013 li estis membro de la Loka Kongresa Komitato de la 69-a Internacia Junulara Kongreso (IJK) de TEJO en Nazareto, respondeca pri informado.

Eksteraj ligiloj

persona paĝo en la retejo facebook

Jeraĥmiel Giladi

Jeraĥmiel GILADI (ירחמיאל גלעדי), naskiĝinta en 1908, mortis en Israelo je la aĝo de 94 jaroj en 2002. Dum 70 jaroj li estis aktiva membro kaj Komitatano de Palestina Esperanto-Ligo kaj Esperanto-Ligo en Israelo.

H

Ĥananja Haroun

Ĥananja HAROUN (naskiĝis en 1929, mortis la 6-an de januaro 1993 en Tel-Avivo, Israelo) estis UEA-fakdelegito pri filatelo.

I

Ĵak Isakov

Ĵak ISAKOV (naskiĝis en 1910 - tragike mortis 1978 en Tel-Avivo, Israelo) estis estrarano de la landa Esperanto-organizaĵo, fakdelegito de UEA.

Israel Israeli

Israel ISRAELI (naskiĝis en 1910, mortis 1978 en Tel-Avivo) estis israela esperantisto, multjara delegito de UEA en Ĥajfo, kie li loĝis lastatempe kaj funkciis kiel vicdelegito. Li estis estrarano de la Esperanto-Ligo en Israelo.

Ŝ

Dvora Ŝor

Dvora ŜOR (naskiĝis en 1914, mortis septembre 1993 en Netanja, Israelo) estis honora membro de Esperanto-Ligo en Israelo, delegito de UEA. Ŝi verkis Esperanto: dulingva lernolibro (1980).