Przecznica

	Przecznica
vilaĝo en Pollando
Przecznica (Pollando)
Genitivo de la nomo	Przecznicy
Provinco	Malsupra Silezio
Distrikto	Distrikto Lwówecki
Komunumo	Komunumo Mirsk
Koordinatoj	50° 55′ N, 15° 26′ O (mapo)50.92472222222215.436944444444Koordinatoj: 50° 55′ N, 15° 26′ O (mapo)
Alto super la marnivelo	430-600 m
Areo	5,66 km²
Loĝantaro	333 (en 2005)
Poŝtkodo	59-624
Telefona antaŭkodo	075
Aŭtokodo	DLW
Titolo de estro	vilaĝestro
	v • d • r

Reviziita versio de ĉi tiu paĝo, aprobita je 25 okt. 2023, estis bazita sur ĉi tiu versio.

Przecznica [elparolu: pŝeĉnica]; (germane Querbach ĝis 1945) estas ĉena vilaĝo en Pollando en Malsupra Silezio en Distrikto Lwówek Śląski en Komunumo Mirsk en Izera Montaro.

Historio

La vilaĝo Przecznica estis setlita probable fine de la 15-a jarcento. Komencoj de la kobalta minado datumas de la 16-a jarcento. Ankaŭ oni malkovris ĉi tie malgrandajn gangojn de kupro kaj arseno. Pro tio, ke en la 18-a jarcento prosperis teksa metio kaj ceramiko metio estis bezonita multe da kobalta farbo. Schaffgotsch en 1769 prosperigis al alta nivelo la minadon de la kobalta erco. Li funkciigis minejon “Anna Maria”, kiu troviĝis okcidente de la vilaĝo sub la deklivo de monto “Prochowa” (595 m super la mara nivelo) kaj funkciis ĝis 1844. Ĝiaj minejgalerioj kaj koridoroj troviĝis profunde 110 m. Aliaj minejoj “Karlo” kaj “Johano Nepomuka” funkciis mallonge. Prilaboraj fabrikoj produktis en la jaroj 1793 – 1806 ĉirkaŭ 50-70 tunoj da kobalta farbo, tiam tio estis 10% da eŭropa produktaĵo. Ĝis hodiaŭ restis postsignoj de minejo “Anna Maria” kaj pluraj malnovaj lignaj kabanoj el la 19-a jarcento. En suda parto de Przecznica – Radoszków - fine de la dua mondmilito estis ĉi tie filio de koncentrejo Gross-Rosen, kie malliberuloj laboris en arbaro.