Aalen
.jpg)
| Aalen | |||||||
| |||||||
| |||||||
| ĉefurbo de distrikto en Germanio • mezgrada regiona centro • kuracloko • urba komunumo de Germanio • Libera regna urbo • granda distrikta urbo en Baden-Virtembergo | |||||||
|---|---|---|---|---|---|---|---|
| |||||||
| Administrado | |||||||
| Federacia lando | Baden-Virtembergo | ||||||
| Distriktaro | Distriktaro Stutgarto | ||||||
| Distrikto | Distrikto Ostalb | ||||||
| Urborajtoj | – | ||||||
| Telefona antaŭkodo | 07361, 07366, 07367 | ||||||
| Poŝtkodo | 73430–73434 | ||||||
| Aŭtomobila kodo | AA | ||||||
| Oficiala Municipokodo | 08136088 | ||||||
| Politiko | |||||||
| Komunumestro | Thilo Rentschler[1] (SPD) | ||||||
| Adreso de la administrejo | Marktplatz 30, 73430 Aalen | ||||||
| Demografio | |||||||
| Loĝantaro | 68816 (stato 2022-12-31) [fonto: landa statistika oficejo (decembro 2020)] | ||||||
| Geografio | |||||||
| Geografia situo | 48° 50′ N, 10° 6′ O (mapo)48.83722222222210.093611111111Koordinatoj: 48° 50′ N, 10° 6′ O (mapo) | ||||||
| Alto super la marnivelo | 429 m | ||||||
| Areo | 146,48 km² | ||||||
| Oficiala retejo | https://www.aalen.de/ | ||||||
Aalen [Alen] (esperante Aleno) estas urbo en la germana federacia lando Baden-Virtembergo kun 66590 loĝantoj (2012)[2]. Aalen estas la administra centro de la distrikto Ostalb.
Aalen havas famon en arkeologio pro sia granda romia garnizono, la plej granda kavaleri-kastelo norde de la Alpoj.
En la Esperanto-movado Aalen estas monde konata kiel sidejo de la Germana Esperanto-Biblioteko.
Geografio
Aalen situas 70 km oriente de Stuttgart kaj 48 km norde de Ulm, ĉe la rando de la Ŝvaba Ĵuraso, 30 km okcidente de Nördlingen kaj Nördlinger Ries.
Najbaraj komunumoj
Aalen najbaras al jenaj urboj kaj komunumoj: Oberkochen, Essingen, Heuchlingen, Abtsgmünd, Neuler, Hüttlingen, Rainau, Westhausen, Lauchheim, Bopfingen kaj Neresheim (ĉiuj en distrikto Ostalb), krome Heidenheim an der Brenz kaj Königsbronn (ambaŭ distrikto Heidenheim).
Historio
Romia epoko
En ĉ. 150/160 p.K. la Romianoj konstruis grandan fortikaĵon (castellum) kiel garnizonon de kavaleri-kohorto Ala II Flavia milliaria.
Estis sugestite, ke la nomo Aalen devenas de la latina Ala, sed tio ĉi estis refutita de pli malfrua esploro.
La situo de la fortikaĵo estis strategie oportuna pro sia rekta proksimeco al Limeso, la limo al la neokupita Germania. La kavalerigarnizono estis 1.000 soldatojn forta, la plej granda fortikaĵo de helptrupoj ĉe Limeso. Sude kaj oriente la fortikaĵo estis akompanata de civila kolonio (komercistoj, metiistoj, familianoj, prostituitinoj ...). Verŝajne en 260 (aŭ pli frue) la Romianoj forlasis la fortikaĵon, ĉar ili retiris sian landlimon ĝis la riveroj Rejno kaj Danubo, kaj la alemanoj transprenis la regionon.
En 2005 UNESKO agnoskis Limeson kiel mondan heredaĵon, la kastelo de Aalen estas registrita kiel ORL 66 (RLK).
Personoj forte ligitaj al Aalen
- Christian Friedrich Daniel Schubart (1739–1791), poeto, orgenisto, komponisto kaj ĵurnalisto; pasigis infan- kaj junulaĝon en Aalen.
- Sieger Köder, pastro kaj pentristo
Esperanto
Rimarkinda estas la Germana Esperanto-Biblioteko, kies kolekto ampleksas en 2012 pli ol 54.000 erojn. Ĉiun duan jaron la urbo kune kun la FAME-fondaĵo solene disdonas la Esperanto-kulturpremion (oficiale/germane: Aalener Esperanto-Kulturpreis). Unu el la pli konataj asocioj en la urbo estas la Esperanto-Grupo Alena.
En Aalen loĝas delegito de UEA Karl Heinz Schaeffer kaj 2 fakdelegitoj de UEA Franz Zeller kaj Karl Heinz Schaeffer pri radioamatorismo, Karl Heinz Schaeffer ankaŭ pri apotekaj aferoj.
Partneraj urboj
- Ŝablono:Flageto Saint-Lô, Francio (1978)
- Ŝablono:Flageto Christchurch, Britio (1981)
- Ŝablono:Flageto Tatabánya, Hungario (1987)
- Ŝablono:Flageto Antakya, Turkio (1995)
- Ŝablono:Flageto Cervia, Italio (2011)
Notoj, referencoj
- ↑ Thilo Rentschler en la germana vikipedio (germane)
- ↑ laŭ la oficiala statistiko de subŝtato Baden-Virtembergo, interaktive konsultebla
Eksteraj ligiloj
- la oficiala retejo de la urbo
- retejo de Germana Esperanto-Biblioteko Aalen
- retejo de EGA la Esperanto-Grupo Alena
- la germana Esperanto-Biblioteko
- la E-grupo de Aalen