Aalen

El Vikipedio, la libera enciklopedio
Saltu al: navigado, serĉo
Aalen
Blazono
Aalen (Germanio)
DMS
Red pog.svg
Aalen in AA.svg
Federacia lando Baden-Virtembergo
Distriktaro Distriktaro Stutgarto
Distrikto Distrikto Ostalb
Urborajtoj
Koordinatoj 48°50′N 10°6′O  /  48.833°N, 10.1°O / 48.833; 10.1 (Aalen)
Alto super la marnivelo 429 m
Areo 146,48 km²
Loĝantaro 66813 (stato 2013-12-31) [fonto: landa statistika oficejo]
Telefona antaŭkodo 07361, 07366, 07367
Poŝtkodo 73430–73434
Aŭtomobila kodo AA
Oficiala kodo 08136088
Komunumestro Thilo Rentschler[1] (SPD)
Adreso de la administrejo Marktplatz 30, 73430 Aalen
Komunuma retejo www.aalen.de
v  d  r
Information icon.svg

Aalen [Alen] (esperante Aleno) estas urba komunumo en Germanio. Ĝi troviĝas en la distrikto Ostalb kaj en la distriktaro Stutgarto de la federacia lando Baden-Virtembergo. Fine de decembro 2013 la komunumo havis 66 813 loĝantojn. Aalen estas la administra centro de la distrikto Ostalb.

La urbo havas famon en arkeologio pro sia granda romia garnizono, la plej granda kavaleri-kastelo norde de la Alpoj.

En la Esperanto-movado Aalen estas monde konata kiel sidejo de la Germana Esperanto-Biblioteko.

Geografio[redakti | redakti fonton]

Aalen situas 70 km oriente de Stuttgart kaj 48 km norde de Ulm, ĉe la rando de la Ŝvaba Ĵuraso, 30 km okcidente de Nördlingen kaj Nördlinger Ries.

Najbaraj komunumoj[redakti | redakti fonton]

Aalen najbaras al jenaj urboj kaj komunumoj: Oberkochen, Essingen, Heuchlingen, Abtsgmünd, Neuler, Hüttlingen, Rainau, Westhausen, Lauchheim, Bopfingen kaj Neresheim (ĉiuj en distrikto Ostalb), krome Heidenheim an der Brenz kaj Königsbronn (ambaŭ distrikto Heidenheim).

Historio[redakti | redakti fonton]

Romia epoko[redakti | redakti fonton]

La elfosita kastelo

En ĉ. 150/160 p.K. la Romianoj konstruis grandan fortikaĵon (castellum) kiel garnizonon de kavaleri-kohorto Ala II Flavia milliaria.

Estis sugestite, ke la nomo Aalen devenas de la latina Ala, sed tio ĉi estis refutita de pli malfrua esploro.

La situo de la fortikaĵo estis strategie oportuna pro sia rekta proksimeco al Limeso, la limo al la neokupita Germania. La kavalerigarnizono estis 1.000 soldatojn forta, la plej granda fortikaĵo de helptrupoj ĉe Limeso. Sude kaj oriente la fortikaĵo estis akompanata de civila kolonio (komercistoj, metiistoj, familianoj, prostituitinoj ...). Verŝajne en 260 (aŭ pli frue) la Romianoj forlasis la fortikaĵon, ĉar ili retiris sian landlimon ĝis la riveroj Rejno kaj Danubo, kaj la alemanoj transprenis la regionon.

En 2005 UNESKO agnoskis Limeson kiel mondan heredaĵon, la kastelo de Aalen estas registrita kiel ORL 66 (RLK).

Personoj forte ligitaj al Aalen[redakti | redakti fonton]

Historia urbodomo kaj bazareja puto

Esperanto[redakti | redakti fonton]

Rimarkinda estas la Germana Esperanto-Biblioteko, kies kolekto ampleksas en 2012 pli ol 54.000 erojn. Ĉiun duan jaron la urbo kune kun la FAME-fondaĵo solene disdonas la Esperanto-kulturpremion (oficiale/germane: Aalener Esperanto-Kulturpreis). Unu el la pli konataj asocioj en la urbo estas la Esperanto-Grupo Alena.

En Aalen loĝas delegito de UEA Karl Heinz Schaeffer kaj 2 fakdelegitoj de UEA Franz Zeller kaj Karl Heinz Schaeffer pri radioamatorismo, Karl Heinz Schaeffer ankaŭ pri apotekaj aferoj.

Partneraj urboj[redakti | redakti fonton]

Notoj, referencoj[redakti | redakti fonton]

  1. Thilo Rentschler en la germana vikipedio (germane)

Eksteraj ligiloj[redakti | redakti fonton]