Alfred Kubin

Alfred Kubin
La artisto en 1904
Persona informo
Alfred Kubin
Naskiĝo	10-an de aprilo 1877 (1877-04-10) en Litoměřice
Morto	20-an de aŭgusto 1959 (1959-08-20) (82-jaraĝa) en Wernstein am Inn
Tombo	Supra Aŭstrio vd
Lingvoj	germana • ĉeĥa vd
Ŝtataneco	Aŭstrio-Hungario • Aŭstrio vd
Alma mater	Akademio de Belartoj Munkeno vd
Familio
Parencoj	Alois Beer vd
Profesio
Okupo	verkisto • pentristo • gravuristo per akvaforto • ilustristo • fotisto • desegnisto • grafikartisto vd
Laborkampo	grafiko • illustration • literaturo vd
Aktiva dum	1898–1959 vd
Honorigoj Honorigoj City of Vienna Prize for Fine Arts • Aŭstra insigno de honoro por scienco kaj arto vd
Membrecoj Membrecoj Bavara Akademio de Belartoj vd
vd	Fonto: Vikidatumoj

La bieno en Zwickledt.

Ekspoziciĉambro en la Kubin-domo en Zwickledt.

Alfred KUBIN (naskiĝinta en 10-a de aprilo 1877 en Litoměřice, mortinta en la 20-a de aŭgusto 1959 en Wernstein am Inn) estis aŭstra desegnisto, ilustristo kaj verkisto.

Vivo

De 1892-96 li trejnitis kiel fotisto. Studon pri artoj ĉe la Akademio munkena komencitan en 1898 li interrompis tri jarojn poste. En 1902 li iĝis kunlaboranto de la satira gazeto Simplicissimus. Lia plej ŝatata artilo estis ekde tiam la desegno per la plumo trempita en ĉina inko. Jam en la fruaj verkoj - kiuj ege influitis per Francisco Goya, James Ensor kaj Max Klinger - rimarkindas lia proksimeco al la sombro, la fantasto kaj foje al la monstraĵo. Ekde 1905 liniaj teksaĵoj ŝajne malordaj kaj densaj iĝis tipaj por la tuta verkaro.

En 1906 la artisto retiriĝis al sia bieno Zwickledt en Distrikto Schärding, restante en familiaraj rilatoj kun munkenaj artistaj rondoj. En 1909 li membriĝis al la societo Neue Künstlervereinigung, en 1911 li partoprenis - kun la amikoj Paul Klee kaj Franz Marc la ekspozicion Der Blaue Reiter. Krom miloj da tuĉdesegnoj pri la temokompleksoj de libido, koŝmaro kaj morto (kun ofta troigo al la vizioso) lia verkaro kiel ilustristo iimponas ne malpli. Li ilustris pli ol 70 libroj de verkistoj same opiniantoj, ekz. E. T. A. Hoffmann, Edgar Allan Poe, Fjodor Dostojevskij, Gérard de Nerval kaj August Strindberg. Al liaj plej konataj dosieroj, per kiuj li prezentis sin kiel unu el la grandaj desegnistoj de la 20-a jarcento kaj antaŭiranto de surrealismo, menciindas Sansara (1911), Ein Totentanz (1925), Vom Schreibtisch eines Zeichners (1939) kaj Orbis pictus (1948).

Kubin ĉerpis inspiradon ankaŭ el amrilatoj kun multaj virinoj, ekz. kun la pentristino Emmy Haesele (ĝis 1936).

Kiel verkisto

Grava verko de Kubin estas ankaŭ lia - propramane ilustrita - romano Die andere Seite (1909), ĉefverko de literatura fantasto de la germanlingva literaturo. Intrigloko estas la nereala urbo Perle, centro de sonĝa regno regita fare de ĉiamĉeestanta superulo. Ĝi finfine nuliĝis en fluo da koto, rubaĵo, sango koagulita, intestaro, kadavroj homaj kaj bestaj.

Klaras la aludoj al tiutempe popularaj temaroj de tempofiniĝo kaj psikaj nenormalaĵoj. La prezenton de la urbo Perle ĉerpas ankaŭ el la bildo de la babela turkonstruado de Pieter Bruegel (1563). La multtavolaj simboloj de la romana intrigo, kiuj danke al la ilustraĵoj ankoraŭ pli maltrankviligas onin, ĝis hodiaŭ ne estas tute deĉifrita.

Honoroj

• 1950: Preis der Stadt Wien für Bildende Kunst
• 1951: Großer Österreichischer Staatspreis für Bildende Kunst
• 1957: Österreichisches Ehrenzeichen für Wissenschaft und Kunst
• Gustav-Klimt-Plakette (Wiener Secession)

Literaturo

• Peter Assmann (Eld.): Alfred Kubin (1877-1959). Mit Einem Werkverzeichnis des Bestandes im Oberösterreichischen Landesmuseum. Residenz Verlag, Salzburg 1995.
• Peter Assmann und Monika Oberchristl (Eld.): Alfred Kubin (1877-1959). Bilder des Phantastischen. Verlag Bibliothek der Provinz, Weitra 2010, ISBN 978-3-902416-35-3.
• Otto Breicha (Eld.): Alfred Kubin. Weltgeflecht. Ein Kubin-Kompendium. Schriften und Bilder zu Leben und Werk. Edition Spangenberg, München 1978, ISBN 3-7707-0069-4.
• Clemens Brunn: Der Ausweg ins Unwirkliche. Fiktion und Weltmodell bei Paul Scheerbart und Alfred Kubin. Igel Verlag, Hamburg, 2. aktualisierte Auflage 2010, ISBN 978-3-86815-518-1.
• Gerlinde Gehrig: Sandmann und Geierkind. Phantastische Diskurse im Werk Alfred Kubins. Böhlau, Köln 2004.
• Andreas Geyer: Träumer auf Lebenszeit. Alfred Kubin als Literat. Böhlau, Wien 1995, ISBN 3-205-98404-8.
• Andreas Geyer: Heimlicher Lebenstanz. Alfred Kubin und der Tod. Karolinger Verlag, Wien 2005.
• Anneliese Hewig: Phantastische Wirklichkeit. Kubins 'Die andere Seite'. Wilhelm Fink, München 1967.
• Annegret Hoberg (Eld.): Alfred Kubin 1877–1959 . Spangenberg, München 1990, ISBN 3-88645-092-9.
• Annegret Hoberg u.a.: Alfred Kubin. Das lithographische Werk. Hirmer, München 1999, ISBN 3-7774-8280-3.
• Abraham Horodisch: Alfred Kubin book illustrator. Aldus Books, New York 1950.
• Alfred Marks : Der Illustrator Alfred Kubin. Gesamtkatalog seiner Illustrationen und buchkünstlerischen Arbeiten. Edition Spangenberg, München 1977, ISBN 3-7707-0066-X.
• Paul Raabe: Alfred Kubin. Leben – Werk – Wirkung. Im Auftrag von Kurt Otte, Kubin Archiv Hamburg zusammengestellt von Paul Raabe. Rowohlt, Hamburg 1957.
• Ulrich Riemerschmidt (Eld.): Alfred Kubin. Aus meiner Werkstatt. Gesammelte Prosa mit 71 Abbildungen. Deutscher Taschenbuchverlag, München 1976, ISBN 3-423-01179-3.
• Ulrich Riemerschmidt (Eld.): Alfred Kubin. Aus meinem Leben. Gesammelte Prosa mit 73 Abbildungen. Ellermann, München 1977, ISBN 3-7707-0135-6.
• Verna Schuetz: The bizarre literature of Hanns Heinz Ewers, Alfred Kubin, Gustav Meyrink, and Karl Hans Strobl. Madison WI, Univ. Diss. 1974.
• Roman Zieglgänsberger: Alfred Kubins Nebenwelten von Morphiumteufeln und Vogelmenschen. Mit einem Bestandsverzeichnis der Kubin-Zeichnungen des Kunstforums Ostdeutsche Galerie Regensburg. Hg.: Stiftung Kunstforum Ostdeutsche Galerie, Regensburg 2010, ISBN 978-3-89188-121-7.

Eksteraj ligiloj

• Informoj pri Alfred Kubin en katalogo de la Germana Nacia Biblioteko (germane)
• Biografio ĉe NDB.
• Paĝaro kun informoj pri la Kubin-domo en Zwickledt.
• Kubin-hejmpaĝo.
• Pri Kubin en la Austria-Lexikon.
• Ilustraĵoj de Simplicissimus.
• Parto de la postlasitaĵo.