Angelroda

El Vikipedio, la libera enciklopedio
Jump to navigation Jump to search
Angelroda
Blazono
Angelroda in IK.svg
Federacia lando Turingio
Distrikto Distrikto Ilm
Komunumaro Verwaltungsgemeinschaft Geratal
Urborajtoj
Koordinatoj 50°44′41″N 10°52′03″O  /  50.74472°N, 10.8675°O / 50.74472; 10.8675 (Angelroda)Koordinatoj: 50°44′41″N 10°52′03″O  /  50.74472°N, 10.8675°O / 50.74472; 10.8675 (Angelroda)
Alto super la marnivelo 385 m
Areo 4,94 km²
Loĝantaro 364 (stato 2015-12-31) [fonto: landa statistika oficejo]
Telefona antaŭkodo 036207
Poŝtkodo 99338
Aŭtomobila kodo IK
Oficiala Municipokodo 16070003
Komunumestro Udo Lämmer
Partio de komunumestro CDU
Adreso de la administrejo Hauptstraße 41
Oficiala retejo http://www.angelroda.de/
v  d  r
Information icon.svg

Angelroda estas komunumo en Germanio. Ĝi troviĝas en la distrikto Ilm de la federacia lando Turingio, kaj krome estas parto de komunumaro, do grupiĝo de pluraj najbaraj komunumoj por komuna plenumo de iuj administraj servoj, nomata Verwaltungsgemeinschaft Geratal. Fine de la jaro 2015 la komunumo havis 364 loĝantojn.

Vidindaĵoj estantaj kaj estintaj[redakti | redakti fonton]

  • La Regionhistoria muzeo (germane: Heimatstube; Hauptstraße nr 23) troviĝas en eksa monakejo el la 11-a jarcento. Ekde 1651 ĝi servis al la nobeloj de Witzleben kiel ekonomia domo kaj estis en ties posedo ĝis la senproprietigo post la Dua mondmilito fare de la komunistoj. La komunumo utiligis ĝin post 1945 diversmaniere. ĝi estis i.a. loĝejo por forpelitaj germanoj el Orienta Eŭropo, poŝtejo kaj kuracistejo. Ekde 1998 enestas muzeo sur du etaĝoj prezentantaj la lokajn metiojn, iamajn agrikulturajn maŝinojn kaj vivmanierojn pasintajn. Dokumentoj de kaj pri la dinastio de la Witzleben-oj kiel ankaŭ maketaĵo de la iama kastelo de Angelroda krome troviĝas tie.
  • La protestantisma Kirko paroĥuja (germane: Pfarrkirche Angelroda; Hauptstraße nr 20) datumas reen ĝis la 12-a jarcento. Sed ĝia nuna aspekto estas grandparte ŝuldita al novkonstruo de 1688. Restaŭrado kompleta faritis ĝis 2012. La ambona altaro kaj galerioj laŭ la stiloj baroka kaj klasikisma faritis ĝis 1796. En la jaro 1886 oni instalis la orgenon faritan fare de Adam Eifert el Stadtilm kiun oni restaŭris en 2002. De skulptita altaro konserviĝis ĝis hodiaŭ ses figuroj. Po unu videblas ĉe la dekstra kaj la maldekstra flankoj de la ambono, la kvar aliaj troviĝas jam ekde 1937 en Thüringer Museum Eisenach.
  • De Kastelo Angelroda nur ekonomiaj ejoj kaj parkoj ankoraŭ konserviĝis. Dum la jaroj 1614 kaj 1618 la fortimpresa kastelo starigitis fare de kolonelo Burkhart Hieronymus Russwurm; ekde 1651 ĝi estis en posedo de la Witzlebenoj. Supre de masiva teretaĝo estis du supraj etaĝoj trabfakaĵaj. La alta tegmento havis du transversaj gabloj kaj la antaŭa fronto interrompitis de okangula turo kun vosta kupolo. Tra la granda akceptejo teretaĝa atingitis la biblioteko kaj la arĥivejo familia. Juvelaĵo estis la t.n. Imperiestra salonego en la unua supra etaĝo kun multaj bildoj prapatraj de la Witzlebenoj. La lasta kastelestro estis generalo Friedrich Karl von Witzleben forpelite fare de barbaraj komunistoj en 1946 disde siaj posedaĵoj. En 1947 la linda kaj funkcianta kastelo, kiu dum 330 jaroj plibeligis la vilaĝon, elrabitis de komunismaj ŝtelistoj kaj malkonstruitis. Fundamento leĝara estis la ordono 209 de la sovetiaj okupantoj. Nur la parko, la administradejo (hodiaŭ en posedo de la komunumo), la ekonomia ejo (hodiaŭ regionhistoria muzeo) kaj ĉevalstablo (hodiaŭ komunuma centro) konservitis kaj restaŭritis en la 1990-aj jaroj. Post volita kadukiĝo eĉ la kripto de la nobeloj apud la kirko surŝutitis sable.
panoramo aŭtuna
vidaĵo el la tombejo
memorŝtono por komercisto de citronoj