Elena Ĥusanova

El Vikipedio, la libera enciklopedio
Saltu al: navigado, serĉo
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.
Elena Ĥusanova
Personaj informoj
Naskonomo Елена Хусанова
Nacieco rusiano
Profesio esperantisto
Lingvoj rusa lingvo, Esperanto, Tokipono
v  d  r
Information icon.svg

Elena ĤUSANOVA (ruse Елена Хусанова, naskiĝis en Jekaterinburgo, Rusio) estas rusia esperantisto. Ŝi laboris por E@I kiel volontulo de la 22-a de marto 2015 ĝis la 27-a de februaro 2016 en Partizánske. Nun ŝi laboras kiel grafikisto por Amikumu.[1]

La 20-an de februaro 2015 la LKK lanĉis publikan konkurson pri emblemo por UK 2016 en Nitro, Slovakio.[2] Oni anoncis ŝin kiel kiel gajninton la 23-an de majo, ŝia propono estis elektita de ĵurio el inter 48 proponoj alsenditaj de 11 partoprenantoj.[3]

De la 26-a ĝis la 28-a de septembro 2015 okazis tokipona renkontiĝo EToSo (Eŭropa Tokipona Studado, tokipone: kama sona pi toki pona lon ma Elopa) en Brno, Ĉeĥio.[4] Ŝi organizis kaj kreis la ideon kune kun Václav Zouzalík. Ĝin partoprenis 8 homoj de Slovakio, Rusio, Ĉeĥio, Germanio kaj Nederlando. Dum la renkontiĝo okazis Skype-konferenco kun Sonja Lang, ekskurso tra la urbo, prelego kaj lingvaj ludoj.

Referencoj[redakti | redakti fonton]

  1. Teamo (esperante). Alirita 2017-11-14.
  2. Emblemkonkurso (esperante) (2015-02-20). Alirita 2015-02-22.
  3. Rezultoj de la emblemkonkurso por la kongreso en Nitro 2016 (esperante) (2015-05-24). Alirita 2015-10-24.
  4. Renkontiĝoj (esperante). tokipona.info. E@I (2013). Alirita 2015-11-26.