Fanny Tarnow

El Vikipedio, la libera enciklopedio
Salti al navigilo Salti al serĉilo
Fanny Tarnow
Portreto de 1820/21
Portreto de 1820/21
Persona informo
Naskiĝo 17-an de decembro 1779 (1779-12-17)
en Güstrow
Morto 4-an de julio 1862 (1862-07-04) (82-jara)
en Dessau
Lingvoj germana lingvo [#]
Ŝtataneco Germanio [#]
Profesio
Profesio verkistotradukisto • taglibro-verkisto • verkisto [#]
[#] Fonto: Vikidatumoj
v  d  r
Information icon.svg

Franziska Christiane Johanna Friederike TARNOW (naskiĝis la 17-an de decembro 1779 en Güstrow, mortis la 4-an de julio 1862 en Dessau) estis germana verkistino. Ŝi estis porvirina aŭtorino kaj skribis sub la pseŭdonimoj "Fanny Tarnow" kaj "F.T.".

Vivo[redakti | redakti fonton]

Fanny estis la unua infano de la advokato kaj sekretario de ŝtato David Tarnow, poste grandbienposedanto, kaj lia edzino, Amalie Justine Holstein. Ŝi kreskis en riĉaj cirkloj, sed estis nekapabla piediri post falo elfenestre kiam ŝi estis kvar. Post kiam ŝia patro perdis sian posedaĵon, la familio translokiĝis al Neubukow kaj Fanny iĝis guvernistino, unue ĉe Rügen dum kvar jaroj tiam en Hornstorf-Rohlstorff. En 1805 ŝi komencis eldonadon de sia taglibro anonime kaj faris kontakton kun kulturaj figuroj inkluzive de Johann Friedrich Rochlitz, Julius Eduard Hitzig, Friedrich de la Motte Fouqué, Rosa Maria Assing, Rahel kaj Karl August Varnhagen von Ense. De 1807 ĝis 1812 ŝi estis guvernistino en Wismar kaj Roggenstorf-Rankendorf, tiam ĝis 1815 ŝi iris por la flegado de la malsana patrino reen al Neu-Buckow.

De 1816 ĝis 1818 ŝi vivis kun deinfanaĝa amiko en Sankt-Peterburgo, kie ŝi renkontis Friedrich Maximilian Klinger, August von Kotzebue kaj Jacob Johann Sievers. Tio estis sekvita per provizoraj restadoj en Berlino kaj ĉe la domo de ŝia fratino en Lubeko. Fanny kaj la verkisto Amalie Schoppe ankaŭ gvidis la reedukejon de knabinoj en Hamburgo. En 1820 Fanny translokiĝis al Bad Schandau - dum tiu tempo ŝi amikigis Helmina von Chezy, Elisa von der Recke, Ludwig Tieck, Christoph August Tiedge kaj grafinon Egloffstein. Ŝi tiam provizore perdis sian vidon pro malsano kaj tiel en 1829 ŝi iris al Weißenfels kun sia fratino Betty. Tie komenciĝis ankaŭ la amikeco kun Louise von François kiu restis ĝis la morto en 1862. La verkistino von François trovis en la literaturaj rondoj de Tarnow distron kaj inspiron. Zorgoplenaj amikoj tiam elektis kelkajn el ŝiaj skribaĵoj kaj publikigis ilin laŭ abonbazo; tiamaniere ili enspezis 5000 talerojn por ŝi. Post tio ŝi plejparte laboris tradukante en la germanan verkojn skribitajn en la angla kaj en la franca lingvoj. Ekde 1841 ŝi vivis en Dessau.

Verkoj[redakti | redakti fonton]

  • (anonime:) Alwine von Rosen, in: Journal für deutsche Frauen, 1805 und 1806
  • Thekla
  • Natalie. Ein Beitrag zur Geschichte des weiblichen Herzens, 1812
  • Thorilde von Adlerstein, oder Frauenherz und Frauenglück. Eine Erzählung aus der großen Welt, 1816
  • Mädchenherz und Mädchenglück. Erzählungen für Gebildete, 1817
  • Kleine Erzählungen, 1817
  • Briefe auf einer Reise nach Petersburg, an Freunde geschrieben, 1819 (Digitalisat aus dem Bestand des Institut für Ost- und Südosteuropaforschung
  • Lilien. Erzählungen, 4 Bde. 1821/25
  • Sidoniens Witwenjahre, nach dem Französischen frei bearbeitet, 2 Tle., 1822
  • Lebensbilder, 2 Bde., 1824
  • Die Spanier auf Fühnen. Historisches Schauspiel, 1827
  • Ausgewählte Schriften, 15 Bde., 1830
  • Zwei Jahre in Petersburg. Aus den Papieren eines alten Diplomaten, 1833
  • Erzählungen und Novellen, fremde und eigene, 2 Tle., 1833
  • Reseda, 1837
  • Spiegelbilder, 1837
  • Galerie weiblicher Nationalbilder, 2 Tle., 1838
  • Gesammelte Erzählungen, 4 Bde., 1840-42
  • Heinrich von England und seine Söhne. Eine alte Sage neu erzählt, 2 Tle., 1842

Literaturo[redakti | redakti fonton]

  • Monika Stranáková: „Es ist hier vieles ganz anders, als man bei uns glaubt…“ Fanny Tarnows Reise nach St. Petersburg. En: Christina Ujma: Wege in die Moderne. Reiseliteratur von Schriftstellerinnen und Schriftstellern des Vormärz. Bielefeld, 2009. ISBN 978-3-89528-728-2. S. 229-242.
  • Birgit Wägenbaur: Die Pathologie der Liebe. Literarische Weiblichkeitsentwürfe um 1800. Erich Schmidt, Berlin 1996 (Geschlechterdifferenz & Literatur. Band. 4). ISBN 3-503-03732-2.
  • Amely Bölte: Fanny Tarnow. ein Lebensbild. 1865 (Digitalisat)
  • Adolf Thimme: Fanny Tarnow. Eine Skizze ihres Lebens nach neu erschlossenen Quellen. En: Jahrbücher des Verein für mecklenburgische Geschichte und Altertumskunde. Band 91 (1927), S. 257–278 (Volltext der Landesbibliothek Mecklenburg-Vorpommern)
  • Biografio ĉe ADB

Eksteraj ligiloj[redakti | redakti fonton]