Georgo Deŝkin

El Vikipedio, la libera enciklopedio
Salti al navigilo Salti al serĉilo
Georgij Fjodoroviĉ Deŝkin
Georgo Deŝkin.jpg
Persona informo
Naskiĝo 23-a de februaro 1891
en en Vilno
Morto 27-a de februaro 1976
en ekzilito de Kransk, Krasnojarska regiono en Siberio
Lingvoj Esperantorusa
Ŝtataneco Rusia ImperioSovetunio • Russian state 1918-1920
Okupo
Okupo poeto • esperantisto
Esperanto
Esperantistiĝis en 1908
Wikidata-logo.svg
Information icon.svg
vdr

Georgo DEŜKIN, Georgij Fjodoroviĉ Deŝkin, (naskiĝis la 23-an de februaro 1891 en Vilno; mortis la 27-an de februaro 1976) estis esperantisto kaj oficiisto[1] kiu verkis poemojn en la rusa kaj Esperanto[2][3]. En 1922- 1927 Georgo Deŝkin estis komitatano de Tutruslanda Unuiĝo de Poetoj.

En 1909-1915 kaj poste en 1922-1923 li presigis multajn originalajn versojn en la Esperanta gazetaro. Tiujn versojn distingas tre delikata lirikismo, flua kaj eleganta bonstilo, simpleco kaj melodio.

Ekde 1921 ĝis 1938 loĝis en Moskvo. En 1938, dum stalinaj reprezalioj kontraŭ esperantistoj, li estis arestita kaj kondamnita kiel angla spiono al ok jaroj da mallibero, kiujn sekvis jaroj de ekzilo. Post rehonorigo en 1955 li ekloĝis en Miĉurinsk, apud kiu en invalida domo en 1967 Deŝkin mortis[3].

Kune kun Kepalas (Litovio) kaj Niewenglowski (Pollando) li fondis Vilnan Societon Esperantistan, estis delegito de Universala Esperanto-Asocio - UEA.

La temaron de Deŝkin limigas tamen la nuraj motivoj pri amo kaj naturo. En kondiĉoj de rusa revolucio tia temaro ne multe harmonias kun la epoko kaj do Deŝkin jam delonge nenion plu verkis.

"Deŝkin estis - apud Schulhof, Privat kaj aliaj - tiu, kiu faris Esperanto-poezion vera arta fenomeno. Liaj poemoj estas, eble, ne tro profundaj, sed ĉiam ĉarmaj." /Nikolao Gudskov

Verkaro[redakti | redakti fonton]

Lia verkado disfalas je tri apartaj periodoj: juneco - 1909-1922 (kiam li verkis ruse kaj esprante - cetere, ruse li eldonis du poemkolektojn), 1938 (kiam li verkis ruse en malliberejo) kaj periodo de lastaj vivojaroj, kiam aperis multaj liaj novaj poemoj en Esperanto.

Liaj versoj en aparta libreto, Versaĵoj, aperis en 1912.

Solan tributon al la revolucio li faris per sia ruslingva poemkolekto En tiaj tagoj (1917).

Eksteraj ligiloj[redakti | redakti fonton]

Biografio ĉe Aŭtoroj de Esperanto.

Elektitaj Versaĵoj - faksimilo, pdf-versio

Georgo Deŝkin en la Kolekto por Planlingvo kaj Esperantomuzeo

Referencoj[redakti | redakti fonton]

  1. Jesus Moinhos Pardavila, La vivo kaj verkoj de Georgo Deŝkin, Academia.edu
  2. (eo) N. Nekrasov, Enciklopedio de Esperanto, 1934, p. 107
  3. 3,0 3,1 (eo) Georgo Deŝkin, La Ondo de Esperanto.