Josef Ŝemer

El Vikipedio, la libera enciklopedio
Jump to navigation Jump to search
Josef Ŝemer prelegas dum la 95-a UK en Havano (2010).

Josef ŜEMER, literumata ankaŭ Josef Shemer kaj kromnomata Josi, en la hebrea יוסף שמר (naskiĝis la 14-an de aŭgusto 1950[1], mortis la 29-an de marto 2012 en Tel-Avivo) estis juda israela esperantisto kaj emerita bankisto.

Esperanto-agado[redakti | redakti fonton]

Esperanton li lernis en la aĝo de 16 jaroj.[1] En la jaroj 2001-2008 li estis prezidanto de Esperanto-Ligo en Israelo kaj poste ĝis sia morto ĝia sekretario kaj kasisto. Dum multaj jaroj li redaktis la gazeton Israela Esperantisto. En la Loka Kongresa Komitato de la 85-a UK en Tel-Avivo li funkciis kiel sekretario. En Tel-Avivo li estis ankaŭ delegito de UEA kaj gvidis la lokan Esperanto-klubon kaj ties mardajn kunvenojn.

Judaj ŝercoj[redakti | redakti fonton]

Josef Ŝemer famiĝis inter esperantistoj pro judaj anekdotoj, da kiuj li dum la jaroj 2008-2011 dissendis retpoŝte al centoj da amikoj (ĉirkaŭ 400 ŝercoj, po kelkaj semajne). Per tiaj anekdotoj li regule kontribuadis ankaŭ al la revuo La Ondo de Esperanto.

Zamenhofa tago 2009[redakti | redakti fonton]

La 24-an de septembro 2009 li helpis disvastigi alvokon al esperantistoj ke ili amase proponu al la interreta serĉilo Google omaĝi tiujare je la 15-a de decembro (Zamenhofa tago) la 150-an naskiĝdatrevenon de L. L. Zamenhof per speciala emblemo. Li tamen mem publike agnoskis ne esti la iniciatinto de tiu kampanjo, kvankam tiun rolon oni al li ofte emis aljuĝi.[2]

Morto[redakti | redakti fonton]

Li frue emeritiĝis en junio 2008, sed baldaŭ poste oni konstatis ĉe li la sangoĉelan malsanon MDS (kodo D46 laŭ ICD-10). En februaro 2012 li estis operaciita, sed post rapida resaniĝo lia stato severe malboniĝis. Post reenhospitaligo Josef Ŝemer mortis la 29-an de marto 2012 en la aĝo de 61 jaroj kaj estis entombigita la sekvan tagon en la tombejo Kirjat-Shaul.[3] Sur lia tomboŝtono estas engravurite en Esperanto: "La koro de la Esperanto-Movado en Israelo — amata tra la tuta mondo".

Verkoj[redakti | redakti fonton]

Artikoloj[redakti | redakti fonton]

  • Josef Kohen-Cedek (Israela Esperantisto, 110, februaro 1992, p. 1-3)
  • Belaĵoj el brulaĵoj (Israela Esperantisto, 111, junio 1992, p. 18-9)
  • La lastaj tagoj de Lidja Zamenhof (Israela Esperantisto, 113, februaro 1993, p. 1-3)
  • Sami Zalmanoviĉ (1919-1992) (Israela Esperantisto, 113, februaro 1993, p. 5)
  • Ĥananja Haroun (1929-1993) (Israela Esperantisto, 113, februaro 1993, p. 7-8)
  • El la travivaĵoj de fremdlanda kongresano (Israela Esperantisto, 115, oktobro 1993, p. 18)
  • La tria Mediteranea Konferenco de Esperantologio, Tel-Avivo, 31.12.93-2.1.94 (Israela Esperantisto, 116, februaro 1994, p. 1-2)
  • Dek interesaj rimarkoj pri la kreinto de Esperanto (Israela Esperantisto, 116, februaro 1994, p. 17-18)
  • Leĝoj de Murphy (Israela Esperantisto, 116, februaro 1994, p. 18-19)
  • Kvizo pri la temo REGANTOJ (Israela Esperantisto, 118, oktobro 1994, p. 19-20)
  • Normoj de parolo ĉe israelanoj (Israela Esperantisto, 119, februaro 1995, p. 8-9)
  • Kvizo pri la temo Domoj kaj Konstruaĵoj (Israela Esperantisto, 119, februaro 1995, p. 18)
  • Kamil Perlman. Dr. Jaakov Beĥar (Israela Esperantisto, 122, februaro 1996, p. 3-4)
  • Kvizo pri la temo Vestoj (Israela Esperantisto, 122, februaro 1996, p. 20)
  • Propraj nomoj kiel vortoj (Israela Esperantisto, 123, junio 1996, p. 2-4)
  • Kvizo pri la temo Veturiloj (Israela Esperantisto, 123, junio 1996, p. 16-17)
  • Atingaĵoj en la informado pri Esperanto en Israelo (Israela Esperantisto, 124, oktobro 1996, p. 18-19)
  • Kvizo pri la temo Fruktoj kaj Legomoj (Israela Esperantisto, 124, oktobro 1996, p. 19-20)
  • El nia movado kaj agado (Israela Esperantisto, 127, oktobro 1997, p. 24)
  • Ni distru nin per kvizo (Israela Esperantisto, 128, februaro 1998, p. 20)
  • Israelo kvindekjara (Israela Esperantisto, 129, junio 1928, p. 3-6)
  • La Morta Maro (Israela Esperantisto, 132, februaro 2000, p. 20-21)
  • Post la Kongreso. Kelkaj kuriozaĵoj pri la Kongreso. (Israela Esperantisto, 133, oktobro 2000, p. 1-3, 8-9)
  • Andreo Ŝalamon (1913-2000) (Israela Esperantisto, 134, aprilo 2001, p. 5-6)
  • Esperantistoj vizitis Albanion (Israela Esperantisto, 135, oktobro 2001, p. 20-21)
  • Semajnfino de ELI en Hajfa (Israela Esperantisto, 136, marto 2002, p. 8)
  • Jeraĥmiel Giladi (1908-2002) (Israela Esperantisto, 137, decembro 2002, p. 5-7)
  • Novaĵoj. Sukcesa 3-a KIES en Masada (Israela Esperantisto, 138, aŭgusto 2003, p. 16-18)
  • Eterna memoro pri Lidia Zamenhof. Broŝuro pri Sugihara Tiune. La pereintoj in memoriam. (Israela Esperantisto, 142, aŭgusto 2005, p. 4-6, 8-9)
  • 6-a KIES en Galileo (Israela Esperantisto, 143, decembro 2005, p. 15-16)
  • Zamenhof kaj Seperjaro. Pontolingvo al kaj el la hebrea. Raĥel Murĵan (190-2007) (Israela Esperantisto, 146, somero 2007, p. 12-18, 23)
  • Rememoroj de veterano. Iren Struloviĉ (1910-2009) (Israela Esperantisto, 150, somero 2009, p. 3-6, 22-23)
  • Rememoroj de veterano II. Letero de Zamenhof. Nekrologoj. (Israela Esperantisto, 151, vintro 2009, 3, 14-17, 22-23)
  • Rememoroj de veterano IV. Juda humuro. (Israela Esperantisto, 154-155, somero-vintro 2011, p. 3-7, 32-33)

Tradukoj[redakti | redakti fonton]

  • Abba Eban: La homa civilizacio kaj la judoj (Israela Esperantisto, 117, junio 1994, p. 5-6)
  • Humuro: Advokataĵoj (Israela Esperantisto, 135, oktobro 2001, p. 8-10, el la angla)
  • Dan Ramot: Elkadriĝi (Israela Esperantisto, 139, decembro 2003, p. 9-10)

Referencoj[redakti | redakti fonton]

  1. 1,0 1,1 Profilo de uzanto Josis^ en lernu! (nur ensalutinte)
  2. Google festas la Zamenhof-tagon
  3. Forpasis Josi Ŝemer

Eksteraj ligiloj[redakti | redakti fonton]