Maksim Rilskij

El Vikipedio, la libera enciklopedio
Salti al navigilo Salti al serĉilo


RILSKIJ Maksim ukraine Максим Рильський (1895-1964) - poeto, tradukisto, socia aganto. Naskiĝis en Kijivo, tie li finis privatan gimnazion. Lia patro - Tadej Rilskij - estis etnografo kaj publicisto. Studis medicinon en Kijiva Universitato, poste lernis en la Popola universitato ĉe histori-filologia fakultato.

Lia unua poemo estis publikigita en 1907, la unua poem-kolekto - en 1910. Apartenis al nov-klasikuloj. Sekvantaj poemaroj: 1922, 25, 26, 29; 1927 - fama ukraina traduko de "Sinjoro Tadeo" de Adam Mickiewicz.

En 1931 pro "ignorado en siaj verkoj de sovetia realeco" li estis arestita kaj malliberigita por unu jaro. De 1932 (poemaro "Signo de pesiloj") li fariĝis "oficiala soveta poeto". De 1943 - akademiano; direktoro de la Instituto de arto, folkloro kaj etnografio (1944-64).

Por Ukraina antologio liajn poemojn esperantigis Andreo Rogov (1) kaj Kris Long (5) k.a.