Jorat-Menthue

El Vikipedio, la libera enciklopedio
(Alidirektita el Montmeillan)
Salti al navigilo Salti al serĉilo
Jorat-Menthue
Blazono de Jorat-Menthue
Blazono de Jorat-Menthue
Radioelsendilo Sottens, komunumo Jorat-Menthue
Radioelsendilo Sottens, komunumo Jorat-Menthue
Kantono Vaŭdo
Distrikto Centro de Vaŭdo
Koordinatoj  46°37′38″N 6°42′15″O  /  46.62722°N, 6.70417°O / 46.62722; 6.70417 (Jorat-Menthue)Koordinatoj: 46°37′38″N 6°42′15″O  /  46.62722°N, 6.70417°O / 46.62722; 6.70417 (Jorat-Menthue)
Nombro de enloĝantoj 1358
Areo 17,65 km²
Alteco 813 m super marnivelo
Poŝtkodo 1041 Montaubion-Chardonney
1058 Villars-Tiercelin
1059 Peney-le-Jorat
1061 Villars-Mendraz
1062 Sottens
Komunumkodo 5804
Mapo de Jorat-Menthue
Situa mapo de Jorat-Menthue
Information icon.svg
vdr

Jorat-Menthue estas komunumo en la Distrikto Centro de Vaŭdo en Kantono Vaŭdo, Svislando. Ĝi havis 1358 loĝantojn je la 31-a de decembro 2012. La ĉefloko de la komunumo estas Sottens.

Geografio[redakti | redakti fonton]

La komunumo Jorat-Menthue situas en la Vaŭda Mezlando en oriento de la regiono Centro de Vaŭdo (en la franca lingvo Gros-de-Vaud) sur la molasaj montetoj nomitaj Jorat ĉe la supra parto de la rivero Mentue, kiu formas ĝian okcidentan komunumolimon, proksimume 5 kilometrojn nordnordoriente de la kantonĉefurbo Laŭzano kaj 4 kilometrojn okcidentsudokcidente de la distriktĉefurbo Echallens. La komunumo konsistas el la vilaĝoj Chardonney, Montaubion, Montmeillan, Peney-le-Jorat, Sottens, Villars-Mendraz kaj Villars-Tiercelin, kaj diversaj izolitaj bienoj.[1]

La teritorio de la komunumo etendiĝas sur areo de 17,65 km², de kiuj 34,8% estas kovritaj de arbaro, 58,6% servas por agrikulturo kaj 6,3% por setlado. [2]

Najbaraj komunumoj[redakti | redakti fonton]

La komunumo Jorat-Menthue limas en nordo al Montanaire, en nordoriento al Moudon, en oriento al Hermenches, en sudoriento al Corcelles-le-Jorat, en sudokcidento al Froideville, en okcidento al Poliez-Pittet, kaj en nordokcidento al Montilliez.

Trafiko[redakti | redakti fonton]

Jorat-Menthue situas flanke de la gravaj trafikvojoj. Al la komunumo kondukas diversaj konektaj vojoj ek de ĝiaj najbaraj komunumoj. La plej proksima alveturejo al la svisa aŭtovojo A9 situas 4 kilometrojn sude de la komunumo apud Laŭzano. Pere de la poŝtaŭtolinio de Echallens al Thierrens kaj de Froideville al Thierrens la komunumo estas konektita al la publika transportreto.

Historio[redakti | redakti fonton]

La unua dokumenta mencio de Jorat datiĝas el la jaro 1140 kiel Jurat. [3]

La nuna komunumo Jorat-Mentue estis fondita kun efiko de la 1-a de januaro 2011 per kuniĝo de la ĝis tiam aŭtonomaj komunumoj Montaubion-Chardonney, Peney-le-Jorat, Sottens, Villars-Mendraz kaj Villars-Tiercelin.[4]

Vidindaĵoj[redakti | redakti fonton]

La ĉefa vidindaĵo sur la teritorio de la komunumo Jorat-Mentue estas la sendoturo de la franclingva nacia radiosendilo Sottens. Al la fondintoj de radio Sottens cetere apartenis la esperanto-pioniro Edmond Privat.

Vidu ankaŭ[redakti | redakti fonton]

  • Aliaj lokoj kun la nomo Jorat

Notoj kaj referencoj[redakti | redakti fonton]

  1. Fonto: Reta mapo 1:20000 de Swisstopo
  2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  3. Fonto: Olivier Frédéric Dubuis: Jorat-Menthue en Historia Leksikono de Svislando (2007-02-13)
  4. Fonto: Marianne Stubenvoll: Villars-Tiercelin en Historia Leksikono de Svislando (2013-02-27)

Eksteraj ligiloj[redakti | redakti fonton]

Bildoj[redakti | redakti fonton]