Nigraflugila neĝopasero
 | ||||||||||||||
|---|---|---|---|---|---|---|---|---|---|---|---|---|---|---|
 La pasero de Adams, Ladako, Barato
| ||||||||||||||
| Biologia klasado | ||||||||||||||
| ||||||||||||||
| Montifringilla adamsi (Adams, 1859) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Nigraflugila neĝopasero, Adamsa neĝopasero aŭ Tibeta neĝopasero (Montifringilla adamsi) estas malgranda paserina birdo de la familio de Paseredoj. Spite la scienca nomo, ĝi estas pasero kaj ne vera fringo.
Ĝi troviĝas en Ĉinio, Barato, Nepalo kaj Pakistano. Ties natura habitato estas subtropikaj aŭ tropikaj sekaj arbustaroj. Ĝi estas komuna loĝanto de la Tibeta altebena regiono de Nordokcidenta Nepalo; somere je 4200 – 5100 m, vintre 2530 – 3445 m, en malfermaj ŝtonecaj montetoj, ebenaĵoj kaj ĉe altateraj vilaĝoj.[1]
La Nigraflugila neĝopasero estas granda fortika pasero. Ĝi havas brunajn suprajn partojn (kapo senmarka kaj dorso strieca), blankecajn al sablokolorajn subajn partojn. Estas longa mallarĝa blanka flugilareo, kiu transformiĝas fluge ĉar montras nigrajn flugilojn (kio nomigas la specion en la komuna nomo) kun grandaj blankaj areoj; la vosto estas nigra kun blankaj bordoj. Somere la flaveca beko iĝas nigra. Ambaŭ seksoj estas similaj. Ĝi estas specio tre simila al la parenca Neĝopasero, sed diferenciĝas ĉar tiu havas grizan kapon dum la Nigraflugila neĝopasero havas brunan.
Referencoj
[redakti | redakti fonton]- ↑ Grimmett, Richard; Inskipp, Carol & Inskipp, Tim (2000), Birds of Nepal, publ. Christopher Helm Ltd., 35 Bedford Row, London WC1R 4JH. ISBN 0-7136-5166-0 .
| ||||||||||||||||||
