Paulo Casaca

Paulo Casaca
Persona informo
Paulo Casaca
Naskiĝo	2-a de julio 1957 en Lisbono, Portugalio
Lingvoj	portugala vd
Ŝtataneco	Portugalio vd
Partio	Portugala Socialista Partio (Partido Socialista)
Profesio
Okupo	politikisto ekonomikisto vd
Aktiva en	Strasburgo • Bruselo vd
Postenoj Postenoj membro de la Eŭropa Parlamento (2004–2009) membro de la Eŭropa Parlamento (1999–2004) ano de Asembleo de la Respubliko Portugalio member of the Legislative Assembly of the Azores (en) vd
En TTT	http://paulocasaca.com/ angle
Membro de la Eŭropa Parlamento
Dum	1999 – 2004
Dum	2004 – 2009
vd	Fonto: Vikidatumoj

Paulo Casaca (n. la 2-an de julio 1957, Lisbono, Portugalio) estas portugala politikisto, membro de la Eŭropa Parlamento de la Portugala Socialista Partio (Partido Socialista); parto de la Partio de Eŭropaj Socialdemokratoj de 1999 ĝis 2009.

Edukado

En 1987 li diplomiĝis pri la ekonomiko de agrikultura disvolvado ĉe la Universitato de Montpellier. En 1984 li finis disertacion en la Universitato de la Acoroj kaj en 1980 li prezentis tiun pri la ekonomiko ĉe la Supera Ekonomia Instituto (Lisbono).

Akademia agado

Dum sia akademia kariero Paulo Casaca lektoris en la Ekonomika Departamento de la Lisbona Konta Instituto kaj de la Universitato de la Acoroj de 1980. Krome li estis invitita profesoro de la Lisbona Teknika Universitato.

Politika agado

Li estas fondinto kaj plenuma direktoro de la Sudazia Demokratia Forumo, fondinto de la internacia kunlabora asocio registrita en Bruselo ARCHumankind (“Alliance to Renew Co-operation among Humankind”), fondinto de la “Euro Reform Initiative”, konsulta firmao registrita en Bruselo Lessmeansmore, Land and Energy Sustainable Systems, partnero de la German Marshall Fund (Usono). Paulo Casaca kunlaboras ankaŭ kun neregistara organizaĵo Committee to Study the Organization of Peace.

En la Eŭropa parlamento li estis prezidanto de la delegacio pri eksteraj rilatoj kun la Parlamenta Asembleo de NATO. Li estis ankaŭ konciliano de la Konstanta Reprezentejo de Portugalio en Eŭropa Unio de 1996 ĝis 1999, estris personaron de la Ministerio pri teritoria planado kaj publikaj laboroj de 1995 ĝis 1996, estis ekonomia konsultanto de la socialisma frakcio en la parlamento de Portugalio en 1989/1990, 1992, 1994/1995. Li ankaŭ estis fondinto de la sekcio de Amnesty International en Ponta Delgada (la Acoroj).

Iraka skandalo

En junio 2007 eksplodis skandalo, kaŭzita de la filmetoj, enmetitaj en YouTube kaj montrintaj du deputitojn de la Eŭropa Parlamento, dancantajn kune kun anoj de la Organizaĵo de la muĝahidoj de la irana popolo (OMIP). Baldaŭ Paulo Casaca konfirmis, ke de la 4-a ĝis la 8-a de januaro li kune kun germana socialisto André Brie vizitis tendaron Aŝrafo en Irako. Li deklaris ke tio estis tute normala ago, ĉar OMIP ne plu estas konsiderata de Eŭropa Unio kiel terora organizaĵo. Malgraŭ tio André Brie konsilis al li ne plu vizitu Iranon pro danĝero por lia vivo.

Verkoj

Paulo Casaca estas aŭtoro de kelkaj libroj pri la ekonomiaj kaj sociaj aferoj, homaj rajtoj kaj religia fanatikismo.

• Euro Reform 2014 — A proposal on reform of the Euro, Orfeu, 2014. (ĉefa aŭtoro)
• The Merits of Regional Cooperation — The Case of South Asia, Springer, 2014. (kunredaktanto)
• A Green Ray over Iraq report on the future of Iraq after the elections, 2010.
• The Hidden Invasion of Iraq, Acadia Publishing, 2008.
• People's Mojahedin of Iran Mission Report, written with Brie, André and Zabeti, Azadeh, L'Harmattan, 2005.
• O Princípio da Europa, Ponta Delgada, 2004.
• Açores e o Sector Leiteiro, University of the Azores, Ponta Delgada, 1985.

Eksteraj ligiloj

• Persona retejo de Paulo Casaca Arkivigite je 2014-12-18 per la retarkivo Wayback Machine angle
• Artikoloj de Paulo Casaca ĉe The Huffington Post angle