Safario

El Vikipedio, la libera enciklopedio
Salti al navigilo Salti al serĉilo
Fotografia safario sur ĵipo en Sabi Sands, naturrezervejo en Sudafriko
Zebroj kaj elandoj ĉe Safario
Ernest Hemingway pozante kun bubalo kiun li pafis dum safara ĉaso en Afriko en la fruaj 1950-aj jaroj.

Safario ((/səˈfɑːri/; el la svahila nomo safari, signifante vojaĝo) estas turisma vojaĝo kun aventuraj trajtoj por rigardi naturajn pejzaĝojn kaj faŭnon en sia natura medio, kaj por la sperto de restado, kutime tranokto kaj dum kelkaj tagoj, en sovaĝaj lokoj.

Origine, la nomo safario signifas "vojaĝo" en la svahila (safari), kaj ĝiaj etimologiaj radikoj troviĝas en la araba radiko "SFR" kies instrukcio estas la sama kiel en la svahila. La origino de la esprimo safario, en sia konata turisma signifo hodiaŭ, devenas de la epoko de koloniismo en Afriko, do de la malfrua 19-a kaj frua 20-a jarcentoj, kiam eŭropaj koloniistoj kutimis iri por aventuroj kaj ĉasvojaĝoj en la malfermaj naturriĉaj areoj, akompanitaj de loka gvidisto. Ĉirkaŭ la koloniaj safaraj turneoj formiĝis industrio de dediĉitaj vestaĵoj kaj kirasoj, dezajnitaj por faciligi al eŭropanoj trakti la terenon kaj klimaton de Afriko kaj la bezonojn resti en la naturo. Safaraj vestaĵoj, plejparte, estas malpezaj, komfortaj, larĝaj kaj aeraj kaj en helaj kakiaj koloroj kamuflitaj.

Eĉ hodiaŭ, safaraj ekskursoj estas akceptitaj en la naturrezervejoj de Afriko, sed la armiloj kaj ĉasado estas plejparte anstataŭigitaj per fotiloj. la koncepto de safara turneo estis kopiita al multaj lokoj en la mondo al enspeziga kaj populara turisma industrio, ofertante en multaj landoj surkampajn ekskursojn sur nepavimitaj vojoj de dezertoj, montoj, naturrezervejoj kaj naciaj parkoj, uzante ajnagrundajn aŭtomobilojn kaj kamionetojn. Ankaŭ ĵipa safario estas ofertita, plejparte en la dezertaj lokoj.

Safaraj parkoj estis starigitaj en diversaj lokoj tra la mondo, kiuj estas kiel miniaturo de afrika naturrezervejo. Safaria parko estas speco de pligrandigita bestoĝardeno kun minimumo de kaĝoj kaj bariloj, kie oni povas travojaĝi la sovaĝajn bestojn en medio, kiu simulas kiel eble plej multe ilian naturan medion.

Eksteraj ligiloj[redakti | redakti fonton]