Sanktaj lingvoj
Pluraj religioj taksas sanktaj lingvoj tiujn, per kiuj iliaj sanktaj skriboj estas verkitaj, aŭ la "sanktaj lingvoj" povas esti uzataj nur en ritoj.
Ekzemploj
- Latina lingvo por katolikismo
- Kojnea greka lingvo por kristanismo
- Sanskrito por hinduismo kaj budhismo
- Palio por budhismo
- Avesta lingvo por zoroastrismo
- Klasika araba lingvo por islamo
- Hebrea lingvo por judismo kaj kristanismo
- Eklezie slava lingvo por slava ortodoksismo
- Kopta lingvo por Kopta Eklezio
- Aramea lingvo por kristanismo kaj judismo
- Klasika ĉina lingvo por konfuceismo, daŭismo kaj orientazia budhismo
- Etruska lingvo por romiaj divenistoj
- Joruba lingvo por santerio kaj kandombleo
- Geeza lingvo por Etiopa Eklezio
- Mandea lingvo por mandeismo
- Yathê por Fulni-ô (Brazila etno)
- Korea lingvo por Eklezio de la Unuiĝo, Providenco (fondita de Jung Myung Seok), Preĝejo de Dio Socia Misia Monda (An Sang Hong), kaj aliaj novaj mesioj koreanaj.
- Klasika japana lingvo por ŝintoismo.
- Esperanto por Oomoto.
Ofte sanktaj lingvoj estas eksvivantaj lingvoj, kiujn oni utiligis "normale" por religiaj uzoj, dum ili estis vivantaj vulgaraj lingvoj. Poste, spite la forvelkadon, ili plu estis uzataj en ritoj kaj akiris tial sanktan aromon, ĉar ilin oni plu aŭdis nur ligite kun religio.
