Slovakaj eŭro-moneroj

Slovakio ekde la 1-a de majo 2004 estas ŝtatomembro de la Eŭropa Unio, sed tio ne aŭtomate signifis transprenon de la komuna valuto. Al la Eŭropa Valutoŝanĝa Mekanismo II Slovakio aliĝis la 25-an de novembro 2005, kaj nur ekde la 1-a de januaro 2009 eŭro anstataŭigis la ĝistiaman nacian valuton, la slovaka krono.

€

La eŭro (EUR aŭ €) estas la komuna monunuo por 20 el la 27 landoj de la Eŭropa Unio, inkluzive de Slovakio, kaj de 4 nemembraj ŝtatetoj ene de la Eŭropa Unio. La moneroj kaj monbiletoj ekuziĝis je la 1-a de januaro 2002, sed la presa (stampa) jaro foje montras sin tiel frue kiel 1999, kiam la monunuo oficiale ekestis kaj oni ekproduktis la monerojn. La slovakajn eŭro-monerojn produktigas la slovaka nacia banko.

Ĉiuj moneroj havas flankon komunan, kiu montras la valuton de la monero, kaj ĉiu lando, kiu partoprenas la eŭron, havas proprajn desegnaĵojn sur la alia flanko de la moneroj. Ĉi tiuj varias, ekde ĉiam sama desegnaĵo (ekzemple Estonio kaj Irlando) aŭ simpla montro de la monarĥo (ekzemple Belgio kaj Nederlando) ĝis tute malsama desegnaĵo ĉe ĉiu monero (ekzemple Grekio kaj Italio). Tamen, ĉiuj moneroj iel montras 12 stelojn ankaŭ sur tiu flanko.

Bildoj de la naciaj flankoj de la slovakaj eŭro-moneroj

Eŭro-moneroj
Eŭrozono
Aŭstrio Belgio Estonio Finnlando Francio Germanio Grekio Hispanio Irlando Italio Kipro Kroatio Latvio (ekde januaro 2014) Litovio (ekde januaro 2015) Luksemburgo Malto Nederlando Portugalio Slovakio Slovenio
Landoj ekster EU kun propraj eŭro-moneroj
Andoro (moneroj ekde 2014) Monako San-Marino Vatikanurbo
Ontaj membroj de la Eŭrozono
Bulgario Ĉeĥio Hungario Pollando Rumanio

Pri la dezajno de la slovakaj eŭro-moneroj decidis publika konkurso. La rezulto estis jena:

• Sur la moneroj de 1-, 2- kaj 5 eŭro-cendoj videblas la monto Kriváň en la montaro Altaj Tatroj, laŭ desegnaĵo de Drahomír Zobek.
• La dezajnon de la moneroj 10, 20 kaj 50 eŭro-cendoj, kiuj montras la fortikaĵon de Bratislavo, projektis Ján Černaj kaj Pavel Károly.
• La moneroj de 1 kaj 2 eŭroj montras la blazonon de Slovakio, laŭ desegnaĵo de Ivan Řehák.

Naciaj flankoj

0,01 €	0,02 €	0,05 €
la monto Kriváň en la montaro Altaj Tatroj
0,10 €	0,20 €	0,50 €
la fortikaĵo de Bratislavo
1,00 €	2,00 €	2 € ĉirkaŭo
		"SLOVENSKÁ REPUBLIKA" (slovaka republiko), stelo, tilia folio, stelo
la blazono de Slovakio

Vidu ankaŭ

• Bildoj de komunaj flankoj de eŭro-moneroj
• Eŭro; slovaka krono

Eksteraj ligiloj

• paĝo de la Eŭropa Centra Banko pri la slovakaj moneroj (jen slovake)
• paĝaro de la nacia banko de Slovakio (slovake, angle)