Solidareco Batalanta
| Solidareco Batalanta | ||
|---|---|---|
| ||
organizaĵo 
| ||
| Komenco | 1982 vd | |
| Lando(j) | Pollando vd | |
| Sidejo | Vroclavo | |
Solidarność Walcząca (Solidareco Batalanta) – pola kontraŭkomunista konspira organizaĵo fondita en Vroclavo junie 1982 de Kornel Morawiecki.
Historio
[redakti | redakti fonton]Ĝi estis unu el la plej grandaj sendependecaj organizaĵoj, devenantaj de la unua en Orienta Bloko socia organizaĵo - Sendependa Aŭtonomia Sindikato Solidareco, estiĝintaj rezulte de ĝia malfondo fare de komunistaj regopovoj de Pola Popola Respubliko kaj enkonduko de la milita stato en Pollando. Inter kreintoj de Solidareco Batalanta troviĝis ĉefe aktivuloj de "Solidareco", kiuj malsame opiniis pri metodoj de la agado kaj la celo, al kiu devus strebi kontraŭkomunista opozicio. Ili akceptis batal-principon de absoluta forigo de la komunistoj de regopovo. La subtera agado disvolviĝis enkampe de eldonado, propagando, analiza kaj spiona aktivado.
La unua sukceso estis manifestacioj de la 13-a kaj 26-a de junio 1982. Miloj da loĝantoj de la urbo, pro alvoko de redakcio de la revuo „Solidarność Walcząca” iris sur stratojn, kie komenciĝis plurhoraj stratbataloj kun uzo de barikadoj. Multfoje taĉmentoj de milico devis retiriĝi.
Solidareco Batalanta presis kaj eldonis multajn broŝurojn kaj librojn kune kun 134 periodaĵoj eldonataj ankaŭ de aliaj subteraj organizaĵoj en Vroclavo, Poznano, Varsovio, Jelenia Góra, Szczecin, Lodzo, Rzeszów. Ĝi disvolvis spionan kaj kontraŭspionan agadon rilate al Sekureca Servo de Ministerio pri Internaj Aferoj helpante al kontraŭkomunistaj organizaĵoj ekster Pollando – ankaŭ en Sovetunio, aparte publikante eldonaĵojn en la rusa, ukraina kaj ĉeĥa lingvoj.
Al la plej fortaj centroj de Solidareco Batalanta apartenis – krom Vroclavo – Poznań, Gdańsk, Rzeszów kaj Supra Silezio. Koncepton de la agado utiligis estiĝinta meze de la 80-aj jaroj Federacio de Batalanta Junularo, precipe aktiva en Gdańsk kaj Vroclavo.
De la estiĝmomento ĝis 1989 Solidareco Batalanta kiel unusola konspira organizaĵo en Pollando ĉiusemajne disaŭdigis de la propra radio en Vroclavo, kaj de tempo al tempo en Varsovio, Poznań, Rzeszów kaj Zakopane.
En la jaroj 1989-1992 aktivuloj de la Orienta Fakultato de Solidareco Batalanta signife helpis per ilaro, materialoj kaj instruado al aktivuloj de sendependeco en Litovio, Latvio, Estonio, Ukraino, kaj ankaŭ en Moldavio, Kartvelio, Kazaĥio, Armenio kaj Azerbajĝano.
Bibliografio
[redakti | redakti fonton]- Alfred Znamierowski, Zaciskanie Pięści. Rzecz o „Solidarności Walczącej” (Pugnigo. Pri "Solidareco Batalanta"), Editions Spotkania, Parizo 1988, ISBN 2-86914-038-X
- Andrzej Kołodziej, Roman Zwiercan, ...o godność i wolność. Po prostu... Solidarność Walcząca w Trójmieście w latach 1982–1990 (...pri digno kaj libereco. Simple... Solidareco Batalanta en Triurbo en la jaroj 1982-1990), Dua eldono, kompletigita, Fundacja Pomorska Inicjatywa Historyczna, Kościerzyna 2010, ISBN 978-83-62471-00-3.
Vidu ankaŭ
[redakti | redakti fonton]- Konfederacio de Sendependa Pollando
- Milita stato en Pollando
- Zbigniew Romaszewski
- Anna Walentynowicz
- Mateusz Morawiecki
- Andrzej Kołodziej
- Janina Chmielowska
- Ewa Kubasiewicz-Houée
Eksteraj ligiloj
[redakti | redakti fonton]- Portal Solidarności Walczącej Portalo de Solidareco Batalanta
- Solidarność Walcząca Mazowsze Solidarevo Batalanta Mazovio
- Kornel Morawiecki pri sia organizaĵo Arkivigite je 2016-03-03 per la retarkivo Wayback Machine
- Fighting Solidarity, Portalo de Instytut Pamięci Narodowej