Srinagaro

El Vikipedio, la libera enciklopedio
Saltu al: navigado, serĉo

Srinagaro (sanskrite, श्रीनगर, Śrīnagar, Shrinagar) estas en somero la administra sidejo de la barata federacia ŝtato Ĝamuo kaj Kaŝmiro en la okcidenta Himalajo kaj sidejo de la distrikta administrejo.

Koordinatoj: 34° 5′ 28" n. lat., 74° 48′ 22" or. lat.

Prezento[redakti | redakti fonton]

La urbo havas 894.940 loĝantojn, en la urbaro loĝas 971.357 homoj (stato: 2001-03-01). Srinagaro situas je 1.730 m super marnivelo centre en la altbaseno de Kaŝmiro, ĉe la rivero Jhelam kiu deakvigas la tutan basenon.

La urbo estis fondita de la reĝo Pravaraseno ĉirkaŭ la jaro 1. La universitata urbo Srinagaro (Kashmir University) estas grava turisma centro.

Srinagaro havas templon el la 7-a jarcento, fortikaĵon el la 16-a jarcento kaj budhismajn ruinojn proksime de la urbo. En la malnova urbo, ĉe la okcidenta lagobordo, troviĝas la granda moskeo Hazrat-Bal.

La hinduisma montotemplo Shankaracharya (ankaŭ: Takht-e-Suleiman), konstruita en -371, troviĝas en 3.352 m da alteco sur la samnoma monto en viddistanco de la urbo kaj havas la plej malnovan relikvan kofron de Kaŝmiro.

Tombo de Yuz Asaf[redakti | redakti fonton]

Srinagar estas laŭ opinio de la Ahmadiyya Muslim Jamaat la mortloko de Jesuo Kristo nomata Yuz Asaf. La tombodometo troviĝas en la strato Khanyar. Sed Ghulam Ahmadasertas, ke Yuz Asaf troviĝas en la islama kofro Rozabal (ankaŭ: Rauzabal) en la urba distrikto Mohala Kan Yar.

En la tombo estas entombigitaj pluraj homoj. Sed dum la tomboj de ĉiuj aliaj personoj estas direktitaj, laŭ islama tradicio, en nord-suda direkto, la tombo de Yuz Asaf estas escepto kaj kuŝas laŭ juda tradicio en orient-okcidenta direkto.

Ekonomio[redakti | redakti fonton]

En la urbo produktiĝas tapiŝoj, kupraj kaj arĝentaj varoj, ledo kaj silko.

Srinagar estas koncernata de la Kaŝmir-konflikto, laste - la 6-an de aprilo 2005 - okazis brulatenco al konstruaĵo de la turist-oficejo.

Eksteraj ligiloj[redakti | redakti fonton]