Bohemia paradizo

	Bohemia paradizo
	ĉeĥe: Český ráj, germane: Böhmisches Paradies
	geoparko
	Rokoj ĉe Praĥov
	Oficiala nomo: Český ráj
Ŝtato	Ĉeĥio
Regionoj	Liberec, Hradec Králové, Mezbohemia
Distriktoj	5
Historia regiono	Bohemio
Parto de	Pojizeří
Kelkaj urboj	10
Konataj lokoj	4
Konstruaĵoj	Kost, Trosky, Pantheon
Rivero	Jizera
Situo	Turnov
- koordinatoj	50° 37′ 00″ N 15° 10′ 00″ O / 50.61667 °N, 15.16667 °O (mapo)
Plej alta punkto
- situo	Kozákov
- alteco	744 m s. m.
Areo	181,5 km² (18 150 ha)
Unua mencio	19-a jarcento
Horzono	MET (UTC+1)
- somera tempo	MET (UTC+2)
Administrado	Správa CHKO Český ráj
Adreso	Antonína Dvořáka 294; 511 01 Turnov
Telefono	+420 481 321 900
	Situo de Turnov, la koro de Bohemia Paradizo enkadre de Ĉeĥio Situo de Turnov, la koro de Bohemia Paradizo enkadre de Ĉeĥio
	Vikimedia Komunejo: Český ráj
	Retpaĝo: www.ceskyraj.ochranaprirody.cz

Koordinatoj: 50° 37′ 00″ N 15° 10′ 00″ O / 50.61667 °N, 15.16667 °O (mapo)

Bohemia paradizo (ĉeĥlingve Český ráj) estas konata turisma regiono en Ĉeĥio, troviĝanta 50 ĝis 90 km nordoriente de la ĉefurbo Prago. Geografie ĝi estas limigita per linioj inter la urboj Mladá Boleslav, Mnichovo Hradiště, Železný Brod, Semily, Nová Paka, Jičín, Kopidlno, Sobotka a Dolní Bousov. En la milde ondiĝanta pejzaĝo harmonie ligiĝas varieco de naturbelaĵoj ("sablorokaj urboj", eksvulkanoj, fiŝlagoj, pinarbaroj) kun multnombraj kulturaj memorindaĵoj - kasteloj, burgoj, pitoreskaj urbetoj kaj vilaĝoj. Ĝuste pro tio jam en la 19-a jarcento gastoj de la banloko Sedmihorky komencis nomi tiun ĉi parton de la lando "Bohemia Paradizo".

La regiono estis en 1955 proklamita kiel la unua naturprotektata regiono en la tiama Ĉeĥoslovakio. La origina amplekso 95km² post ampleksigo en 2002 duobliĝis. Krome, pro sia unikeco la regiono estis en 2005 proklamita kiel geoparko de UNESCO (ĝis nun unusola en Ĉeĥio, sed ankaŭ en la novaj landoj de la Eŭropa Unio).

Ĝis nun la regiono estas konsiderata kiel unu el la simboloj de Ĉeĥio kaj ĝi apartenas al turisme plej vizitataj lokoj de la lando.