İznik
El Vikipedio
| İznik | |
 |
|
|---|---|
| Regiono | Marmora regiono |
| Provinco | Provinco Bursa |
| Koordinatoj | Koordinatoj: |
| Areo | 753 km2 |
| Loĝantaro de urbo | 20,169 |
| Entuta loĝantaro | 44,770 |
| Loĝdenso | 59/km2 |
| Poŝtkodo | 16x xx |
| Telefona antaŭkodo | 0224 |
| Aŭtokodo | 16 |
İznik estas urbo en provinco Bursa en Turkio.
Niceo (greke Νίκαια, Nikaia, hodiaŭ İznik), estis urbo en Bitinio ĉe la orienta bordo de la lago Askan (turke İznik Gölu) kaj ĉe grava strato de Konstantinopolo al Kilikio kaj Sirio. Ekde la 2-a jarcento loĝis multaj kristanoj en la urbo. Plej malfrue ekde 325 ĝi estas episkopejo.
La imperiestro Konstantino kunvokis je 325 al Niceo la koncilion Nicaeum I (1-a Koncilio de Niceo), kiun vizitis inter 250 kaj 300 episkopoj. Tiu unua Nicea koncilio fariĝis fundamento de la eklezia unuiĝo kontraŭ arianismo. La decidita regula fidei kondamnis la arianan rifuzon de la vera Dieco de Kristo. Plejkonata estas la finfine decidita kredkonfeso de Niceo (Nicea-Konstantinopola kredkonfeso, uzata en la roma liturgio kiel "Granda Kredkonfeso"), sed la koncilio fiksis ankaŭ unuecan daton por la ĉiu-jara paska festo en la tuta regno (la dimanĉo post la unua printempa plena luno). La imperiestro deklaris la decidojn de la koncilio regnaj leĝoj. La graveco de la koncilio estas nesupertaksebla por la simbiozo inter ŝtato kaj eklezio, por la komenciĝantaj ekumenaj koncilioj kaj por la kreskanta filozofia terminado de la teologia diskuto.
La 7-a ekumena koncilio Nicaeum II (2-a Koncilio de Niceo) okazis je 786-787 kaj solvis kverelojn pri la uzado de bildoj. Ĝia fina kunveno okazis je la 23-a de oktobro 787 en Konstantinopolo.
Inter la 3-a kaj la 7-a de aprilo de 2009-a jaro İznik gastigis la 2-an Mezorientan Kunvenon de Esperanto.
