Abdulah bin Abdul-Aziz Al Saud

El Vikipedio, la libera enciklopedio
Saltu al: navigado, serĉo
Abdulah
الملك عبد الله
Reĝo de Sauda Arabio
King Abdullah bin Abdul al-Saud Jan2007.jpg
Regado 1-a de aŭgusto 2005 – nuntempo
Naskiĝo 1-an de aŭgusto 1924
en Riado, Sauda Arabio
Antaŭulo Fahd
Edzino 4 edzinoj
Idaro 7 filoj kaj 15 filinoj
Patro Abdul-Aziz bin Saud
Patrino Fahda bint Asi Al Ŝuraim
v  d  r
Information icon.svg

Abdulah bin Abdul-Aziz Al Saud (n. aŭgusto de 1924 en Riado, Sauda Arabio), arabe: عبد الله بن عبد العزيز السعود, estas ekde la 1-a de aŭgusto 2005 la reĝo de Sauda Arabio. Li fakte jam gvidis la ŝtatajn aferojn ekde 1995 kiel kronprinco, post kiam lia duonfrato kaj tiama reĝo Fahd bin Abdul-Aziz Al Saud suferis apopleksion. Tiam li enkondukis reformojn pro la financa krizo de la lando kaj tiel ekz. malpliigis la ŝtatajn donaĵojn (senpaga domo, sanoprizorgo ktp.).

Laŭ la oficiala dinastia naskosinsekvo, li estas la 15-a el 37 filoj de la reĝo Abdul-Aziz bin Saud, fondinto de la reĝlando Sauda Arabio.

Abdulah naskiĝis kiel filo de Fahda, la oka edzino de Bin Saud. Lin instruis intelektuloj kaj ekleziuloj en la princa lernejo de la sauda korto. En 1963 li iĝis komandanto de la sauda Nacia Gvardio, kaj ekde junio de 1982 la unua vic-ĉefministro.