Cuxhaven

Cuxhaven
DMS
Federacia lando	Malsupra Saksio
Distrikto	Distrikto Cuxhaven
Urborajtoj	Urbo (Stadt)
Koordinatoj	53°51′50″N 08°41′56″O
Alto super la marnivelo	2 m
Areo	161,91 km²
Telefona antaŭkodo	04721-2,-3,-4
Poŝtkodo	27472, 27474, 27476, 27478
Aŭtomobila kodo	CUX
Oficiala kodo	03 3 52 011
Komunumestro	Arno Stabbert
Titolo de komunumestro	Oberbürgermeister
Adreso de la administrejo	Rathausplatz 1
Komunuma retejo	www.cuxhaven.de

Cuxhaven estas urbo en Germanio. Ĝi troviĝas en la distrikto Cuxhaven de la federacia lando Malsupra Saksio. La 31-an de decembro 2005 la urbo havis 52095 loĝantojn. La urbo situas borde de la Norda Maro, en elstara loko fine de terlango inter la elfluejoj de la riveroj Weser sudokcidente kaj Elbo nordoriente, kaj konsideriĝas la internacia kargoŝipa haveno por la urbo Hamburgo, kiun tra la rivero Elbo ne atingas ĉiuj modernaj ŝipegoj. Sendepende de la granda haveno, dum la somero la urbo pro abundaj apudurbaj sablaj plaĝoj estas plena je feriaj gastoj.

Esperanto en Cuxhaven

Inter la 27-a de decembro 1975 kaj la 3-a de januaro 1976 la 19-a Internacia Seminario de Germana Esperanto-Junularo en la urboparto Cuxhaven-Berensch pritraktis la temon "Ĝenerala lingvistiko". Dek ses jarojn poste, inter la 27-a de decembro 1991 kaj la 3-a de januaro 1992 la 35-a Internacia Seminario denove okazis en la Cuxhaven kaj pritraktis la temon "Ameriko - ĉu 500 jaroj da civilizacio aŭ koloniismo?". La loko estis simbola nelaste pro tio, ke de Cuxhaven dum la lastaj jarcentoj granda parto de la mezeŭropaj elmigrintoj al Ameriko forlasis la "malnovan kontinenton".