Gaston Waringhien
| Gaston Waringhien | |
|---|---|
 Gaston Waringhien kaj la manuskripto de PIV, 1966 | |
| Persona informo | |
| Aliaj nomoj | Georges E. MAŬRA A. NURAK A. PAPADIAMANTOPOULOS |
| Naskiĝo | 20-an de julio 1901 en Ŝablono:Flagikono Lille, Francio |
| Morto | 20-an de decembro 1991 en Parizo |
| Lingvoj | Esperanto • franca |
| Nacieco | franco |
| Ŝtataneco | Francio |
| Familio | |
| Patro | Arthur Waringhien |
| Patrino | Élise Sophie Waringhien |
| Edz(in)o | Andrée Delebarre-Waringhien |
| Okupo | |
| Okupo | vortaristo • lingvisto • poeto • esperantisto • historiisto • tradukisto • verkisto • esperantologo • universitata instruisto |
| Verkoj | Plena Vortaro Plena Ilustrita Vortaro de Esperanto |
| Esperanto | |
| Tradukis en Esperanton | poezion |
| Verkis en Esperanto | rigardu ĉi tien |
| Akademiano | Prezidanto de AE |
Gaston WARINGHIEN [gasTOn varenGJEn] (naskiĝis la 20-an de julio 1901 en Lille, mortis la 20-an de decembro 1991 en sia hejmo en Parizo) estis franca profesoro kaj grava vortaristo kaj gramatikisto de Esperanto. Li aperigis verkojn sub la pseŭdonomoj Georges E. MAŬRA, A. NURAK, kaj A. PAPADIAMANTOPOULOS. En Nova Plena Ilustrita Vortaro (NPIV) de 2002 lia nomo aperas ankaŭ sub la esperantigo Varingjeno.
Waringhien gvidis kursojn pri Esperanto, verkis kaj tradukis. Li estis prezidanto de la Akademio de Esperanto de 1963 ĝis 1979. Li estis kunredaktoro de Literatura Mondo kaj ĉefredaktoro de La Nica Literatura Revuo. Li multe tradukis poezion, ĉefe el la franca, sed ankaŭ el la angla kaj la germana, kaj kontribuis al la Angla Antologio. Li estis vortaristo kaj inter la projektoj kiujn li prilaboris estas la Plena Vortaro (1930 kaj postaj eldonoj), la Plena Ilustrita Vortaro (1970), kaj la Granda Vortaro Esperanta-Franca (1957).
Plie, li estas la aŭtoro de la Plena Gramatiko, kun Kálmán Kalocsay.
Elektitaj verkoj
- Parnasa Gvidlibro (kun Kálmán Kalocsay, 1932)
- Kontribuo al poemkolekto Dekdu Poetoj, 1934
- Manifeste des Anationalistes (franclingva traduko - kun Avid - de la Manifesto de la Sennaciistoj), 1935.
- Plena (analiza) gramatiko (kun Kálmán Kalocsay, 1935, 1938, 1981)
- Facilaj esperantaj legaĵoj (redaktoro, 1935)
- Maksimoj de La Rochefoucauld (traduko, 1935)
- A.B.C. d' Espéranto (1945, 1967)
- Leteroj de L.L.Zamenhof (redaktoro, 1948)
- Poemoj de Omar Kajam (traduko, 1953)
- Eseoj I: Beletro (originaloj, 1956)
- La floroj de l' malbono (kuntradukinto kaj redaktoro, 1957)
- Kantoj kaj romancoj (tradukinto, kun Kálmán Kalocsay)
- La trofeoj (tradukoj, 1977)
- Tra la parko de la franca poezio: La renesanca periodo / La klasika periodo (tradukoj, 1977/1980)
- La ĥimeroj (tradukoj, 1976)
- Lingvo kaj vivo (eseoj, 1969)
- Ni kaj ĝi (eseoj, 1972)
- 1887 kaj la sekvo (eseoj, 1980, eldonita en la Serio Stafeto)
- Kaj la ceter' - nur literaturo (eseoj, 1983)
- Duonvoĉe (kiel Georges E. Maŭra, originalaj poemoj, 1939 kaj 1963)
Postvivaj eldonoj:
- Alilingvaj erotikaj poemoj (eldonitaj de La Kancerkliniko - kun ne antaŭe eldonitaj poemoj en la franca, tradukitaj de Georges Lagrange kaj Michel Duc-Goninaz, kun desegnoj de Serge Sire)
Literaturo
El la abunda literaturo pri Waringhien kaj diversaj aspektoj de lia verkaro menciindas miniume jenaj:
- 2000: Cherpillod, André. Gaston Waringhien 1901-1991 - heroldo de la internacia lingvo / héraut de la langue internationale. Courgenard: La aŭtoro 2000, 79 p.
- 1985: Haupenthal, Reinhard (ed.). Li kaj Ni. Festlibro por la 80a naskiĝtago de Gaston Waringhien (1901 - 29 Julio - 1981). Antverpeno, La Laguna: Eldonejo TK/Stafeto [1985], 512 p. (kun bibliografio de la verkaro de Waringhien)
Anekdotoj
Oni povas aŭdi lin kiel rakontanto de la enkonduko de la esperantlingva filmo de Jacques-Louis Mahé, Angoroj (1964).
Vidu ankaŭ
-
Strato Waringhien en Aigné -
Postviva eldono
Eksteraj ligiloj
|
- Poemoj de Georges E. MAŬRA (Gaston WARINGHIEN) en Dekdu Poetoj
- Libroj de kaj pri Gaston Waringhien en la Kolekto por Planlingvoj kaj Esperantomuzeo
- Artikoloj de kaj pri Gaston Waringhien en Elektronika Bibliografio de Esperantaj Artikoloj (EBEA)
