Hui
Pri la aliaj signifoj de HUI rigardu en HUI.
Hui Anaso, angle Huey Duck, estas unu el tri antaŭpuberaj knabaj anasidoj, kiuj havas homajn ecojn kaj aperas en multaj komiksoj kaj animaciaj filmoj de la kompanio Walt Disney Company. Hui kaj la du aliaj anasetoj estas identaj fratoj kaj nevoj de Donaldo Anaso (angle Donald Duck) - el la triopo Hui estas la plej saĝa, li rekoneblas pro tio, ke lia ĉapo estas nigra-ruĝa. Laŭ pasporto la plena nomo de la anaseto cetere estus "Hubert Duck", sed tiel neniu nomas lin - en tute klasika Esperanto oni teorie alternative ankaŭ povus nomi lin Huĉjo.
- Por detaloj pri Hui kaj liaj du fratoj vidu la artikolon Hui, Dui kaj Lui.
Nomoj de Hui en diversaj naciaj lingvoj:
- Angle: Huey
- Arabe: سوسو (Soso)
- Ĉeĥe: Kulík
- Dane: Rip
- Estone: Hups
- Finne: Hupu
- France: Riri
- Germane: Tick
- Greke: Χιούι (Ĥiúi)
- Hispane: Hugo, Juanito kaj foje alia nomo: klarigon vidu sube
- Hungare: Tiki
- Islande: Ripp
- Indonezie: Kwak
- Itale: Qui
- Japane: Hyuu
- Litove: Bilis
- Nederlande: Kwik
- Norvege: Ole
- Pole: Hyzio
- Portugale: Huguinho
- Serba: Raja
- Svede: Knatte
- Ruse: Билли (Bili)
(Noto: Ekzistas diversaj nomoj en la hispana lingvo pro tio ke la komiksoj sendepende tradukiĝas, helpe de malsamaj gvidlinioj, en Hispanio, Meksikio, Kolombio kaj Ĉilio.)