Kaj Tiel Plu

El Vikipedio

(Alidirektita el Kaj tiel plu)

Kaj Tiel Plu estas profesieca grupo, kiu ludas popolkantojn ĉefe el Katalunio, sed kun Esperanto-teksto.

La grupo debutis en 1986 en Internacia Junulara Festivalo kiel duopo de Pep Tordera kaj Xevi Rodon. Sekvis kelkaj disaj aperoj ĉefe en junularaj aranĝoj en Hungario, Nederlando, Italio, Francio, Okcitanio, Eŭskio kaj, kompreneble, en Katalunio. Dume, la grupo triopiĝis kaj kvaropiĝis per la aniĝoj de Jomo Milla kaj Carles Vela. Sekvis kelkaj koncertoj sub diversaj grupnomoj (Kordoj, Kataluna kvaropo, Kaj Tiel Plu). En 1989 la ensemblo eldonis Fajreroj (1-a Kataluna kantareto).

Ekde 1992 maloftis la koncertoj (koincide kun la migrado de Pep al Usono). Kadre de la Universala Kongreso en Montpeliero en 1998, la teamo reformiĝis kun pluraj koncertoj, la eldono de du albumoj kaj regula koncertado en ne-esperantistaj medioj.

Iliaj du albumoj Sojle de la klara temp' [1] (2000) kaj Plaĉas al mi [2] (2004) enhavas kantojn okcitanajn, sefardajn, jud-katalunajn, tradiciajn katalunajn, kaj eĉ kanton el la hispana enlanda milito.

[redaktu] Nunaj membroj (2007)

Isaac Barrera i Vila: kontrabaso

Carles Vela i Aulesa: flutoj kaj voĉo

Elena Milla Saldón: perkutiloj kaj voĉo

Anna Maria Sánchez: perkutiloj

Ferriòl Macip i Bonèt (Farri): violono, perkutiloj kaj voĉo

Josep Maria Milla i Saldon (Jomo): flutoj, mandolino, voĉo, perkutiloj kaj ronktamburo

Pau de Nut: violonĉelo kaj voĉo

Xavier Rodon i Morera (Xevi): ĉefa voĉo, gitaro kaj mandolino

Membris en Kaj Tiel Plu...

Pep Tordera: gitaro kaj voĉo

Núria Ollé: voĉo

Lluís Bosch: perkutiloj

Antonio Alberca (Jirafo): perkutiloj

Mónica: voĉo kaj tamburino

Roberto López: perkutiloj

Luz Vázquez Souto: voĉo kaj fluto

Javier Muñoz i Cotoré: violono

Carles Badia i Bosc: basgitaro

David Minguillon: basgitaro

[redaktu] Diskaro

Sojle de la klara temp' (2000)
1. Cantiga
2. Kiam najtingalo kantas
3. Sojle de la klara temp'
4. Malfermu belulino
5. Al fianĉ'
6. Adiaŭ birdeto mia|Adiaŭ birdeto mia
7. La pasero
8. La brasikoj
9. En la fronto de Gandesa
Plaĉas al mi (2004)
1. Ni kunvenas
2. Ursa polko
3. Plaĉas al mi
4. Ĵulieto
5. La kato kaj la fripono
6. Balhano el Salardú
7. Joan del Riu
8. La aventuro
9. Mi volus esti dianto
10. Okcitana skotiŝo
11. Kial ploras ci blanka knabino
12. Brilas roso en mateno
13. Kalkan' fingro
14. La karcer' de Lleida
15. Vane fikajeras
16. Anda ĥaleo